 |
29 kastryčnika Pavał Sieviaryniec byŭ dapytany ŭ prakuratury Savieckaha rajonu pavodle pozvy śledčaha Dźmitryja Ahafonava ŭ jakaści śviedki ŭ spravie zabojstva staličnaha taksista Dziadziuli.
Złačynstva zdaryłasia ŭnačy z 22 na 23 kastryčnika 2003 hodu pobač z domam, dzie ŭ toj čas žyŭ Pavał Sieviaryniec.
Palityka pazvali na dopyt, bo padazravany ŭ zabojstvie nibyta pakazaŭ, što jechaŭ tady da Sieviarynca. Ale sam Sieviaryniec kaža, što ŭ tyja dni jon byŭ za miežami Biełarusi – va Ŭkrainie, i navat majecca admysłovy štamp pamiežnikaŭ u pašparcie.
Pakul niajasna, što značyć usia hetaja historyja. Ci to padazravany vykručvajecca, imknučysia nadać spravie palityčnaje hučańnie i dla taho pryciahvaje da spravy viadomaha dysydenta, ci to heta šytaja biełymi nitkami pravakacyja.
