 Kryścina Kiršner |
Prychilniki Kiršner užo śviatkujuć na vulicach, a supierniki pryznali parazu. Na druhim miescy z 22,6% hałasoŭ — były deputat i pieramožca konkursu pryhažości Elisa Karyjo, jakaja vystupała pad lozunham baraćby z sacyjalnaj niaroŭnaściu i karupcyjaj. Elisa Karyjo apelavała da najbiadniejšych słajoŭ nasielnictva.
Na trecim miescy — prychilnik svabodnaha rynku, były ministar finansaŭ Raberta Łavańja, jaki ŭznačalvaje abjadnańnie centrysckich ruchaŭ «Sajuz za pieradavuju nacyju». Jon nabiraje pakul 19% hałasoŭ. Na dumku mnohich, Łavańju naležyć hałoŭnaja zasłuha ŭ pieraadoleńni ciažkoha ekanamičnaha kryzysu 2001 h.
Usiaho ŭ vybarach udzielničali 14 kandydataŭ.
Zhodna z arhientynskim zakanadaŭstvam, dla pieramohi ŭ pieršym tury treba nabrać 45% hałasoŭ, ci, kali adryŭ ad astatnich kandydataŭ dasiahnie 10%, budzie dastatkova 40%.
U vypadku pieramohi Kiršner stanie pieršym prezydentam na pasadzie prezydenta Arhientyny. U hetaj krainie naličvajecca kala 27 młn hramadzian, što majuć prava hołasu. Kolkaść žadajučych była nastolki vialikaj, što ŭ niekatorych rajonach było vyrašana pradoŭžyć pracu vybarčych učastkaŭ da hadziny nočy.
Addaŭšy ŭ niadzielu svoj hołas u rodnym horadzie Ryjo Halehas na poŭdni Patahonii, Kryścina Kiršner rascałavała svaich prychilnikaŭ i nazvała dzień vybaraŭ «važnym dniom dla praciahu demakratyčnaha kursu».
Kiršner časta paraŭnoŭvajuć z Chiłary Klintan, jakaja taksama źjaŭlajecca senataram i udzielničaje ŭ vybarčaj prezydenckaj honcy. Ale Kiršner nia choča paraŭnańniaŭ ni z Chiłary Klintan ci Evaj Peron, ci z kim‑niebudź jašče». Pavodle jaje słovaŭ, «niama ničoha lepš, čym być saboj».
Pieršaja łedzi lidziravała ŭ apytańniach hramadzkaj dumki z samaha pačatku pieradvybarčaj kampanii. Jašče niekalki miesiacaŭ tamu dziejučy prezydent krainy Niestar Kiršner byŭ hatovy zmahacca za druhi termin, i apytańni hramadzkaj dumki praročyli jamu pieramohu. Ale ŭ lipieni było abvieščana, što zamiest Niestara Kiršnera ad praviačaha levacentrysckaha «Frontu za pieramohu» budzie balatavacca jaho žonka, senatar ad Buenas‑Ajresa. Čamu, nijakaha tłumačeńnia nie paśledavała.
Niestar Kiršner zaniaŭ pasadu, kali Arhientyna stanaviłasia na nohi ad nastupstvaŭ ekanamičnaha abvału kanca 2001 h,, a bolš za pałovu nasielnictva krainy žyli za rysaj badienaści. Za try hady prezydenctva Kiršnera, pavodle jahonych słovaŭ, 2,5 młn čałaviek atrymali pracu.
