Suchajr Bełchasen

Nibyta śpiecyjalna da vizitu prezidenta Mižnarodnaj fiederacyi pravoŭ čałavieka Suchajr Biełchaśsien biełaruskija ŭłady prymierkavali kančatkovuju zabaronu na dziejnaść pravaabarončaha centra «Viasna». Vidać, nie ŭ apošniuju čarhu hety fakt staŭsia padstavaj dla vysnovy, što «situacyja z pravami čałavieka na Biełarusi — adna z najhoršych u rehijonie».

Prezident Mižnarodnaj fiederacyi pravoŭ čałavieka Suchajr Biełchaśsien znachodzicca z aficyjnym vizitam u Minsku z 29 pa 31 kastryčnika. Suchajr Biełchaśsien adznačyła pa prybyćci ŭ Minsk, što vielmi chacieła prysutničać na sudovym pracesie z nahody rehistracyi «Viasny», adnak pozna atrymała ŭjaznuju vizu ŭ krainu: 26 kastryčnika «Viaśnie» admoŭlena ŭ rehistracyi.

«Dla nas duža važna było siudy pryjechać, tamu što, niahledziačy na ŭsie represii, jakim padviarhajucca biełaruskija parvaabaroncy, niahledziačy na niadaŭniaje rašeńnie viarchoŭnaha suda nie rehistravać hramadskuju pravaabarončuju arhanizacyju «Viasna», jany praciahvajuć svaju dziejnaść pa abaronie pravoŭ čałavieka… Dla nas vielmi važna imienna padtrymać hramadski siektar, da jakoha ŭ Biełarusi staviacca tak, nibyta jon ujaŭlaje niejkuju niebiaśpieku dla ŭłady. Heta važna i tamu, što mnohija biełaruskija arhanizacyi pracujuć pa nakirunkach, jakija napramuju kranajuć dziejnaść Mižnarodnaj fiederacyi pravoŭ čałavieka, — baraćba za admienu śmiarotnaha pakarańnia, baraćba suprać siłavych źniknieńniaŭ, suprać karupcyi», — padkreśliła Suchajr Biełchaśsien.

Juryj Koba, pahonia.promedia.by

Клас
Панылы сорам
Ха-ха
Ого
Сумна
Абуральна