Ułady ZŠA hatovyja pajści na sastupki ŭ spravie Damovy ab zvyčajnych uzbrojenych siłach u Eŭropie (DZUSE), kab Maskva źmiakčyła svaje pazycyi pa Kosava i Iranie. Jak piša The Herald Tribune, pra heta paviedamili dyplamatyčnyja krynicy. Hetyja sastupki ŭvachodziać u ceły pakiet prapanoŭ, zroblenych Vašynhtonam u sprobie pieraadoleć supraciŭ Rasiei ŭ pytańni niezaležnaści serbskaj pravincyi Kosava i damahčysia padtrymki novych sankcyjaŭ suprać Tehieranu. ZŠA i Eŭropu pałochaje perspektyva vychadu Rasiei z Damovy ab zvyčajnych uzbrojenych siłach u Eŭropie, jakuju možna nazvać asnovaj systemy eŭrapiejskaj biaśpieki. Adzin z vysokapastaŭlenych dyplamataŭ NATO, jaki pažadaŭ zastacca nieviadomym, raspavioŭ, što «ZŠA adčajna šukajuć srodki, kab atrymać padtrymku Rasiei pa pytańniach Kosava i Irana, ale ŭ toj ža čas zachavać DZUSE».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?