Sapraŭdnym śviatam biełaruskaha mastactva staŭ druhi mižnarodny fiestyval "Śpiavajuć biełarusy Prybałtyki", jaki prajšoŭ u vialikaj zale Narvskaha haradskoha Doma kultury "Ruhadziŭ". Mierapryjemstva było arhanizavana miascovaj biełaruskaj supołkaj "Siabry" pry ŭdziele hienieralnaha konsulstva Biełarusi ŭ Talinie.

Jak raskazaŭ karespandentu BIEŁTA hienkonsuł Alaksandr Astroŭski, bolš jak 600 hledačoŭ sustrakali avacyjami vystupleńni samadziejnych artystaŭ ź biełaruskich arhanizacyj krain Bałtyi - ansamblaŭ "Nadzieja" (Ryha), "Śvitanak" (Visahinas), "Alesia" i "Lanok" (Talin), "BEZ" (Jychvi - Kochtła-Jarvie), "Krynica" (Siłłamiae). Navat chor rasijskaha tavarystva "Śviatahor", taksama zaprošany na fiestyval, śpiecyjalna padrychtavaŭ i praśpiavaŭ biełaruskuju pieśniu.

U pryvitalnym słovie da ŭdzielnikaŭ śviata źviarnulisia Alaksandr Astroŭski, pradstaŭnik ministra pa spravach narodanasielnictva Estonii ŭ paviecie Ida-Virumaa Eryka Kruup, staršynia Asacyjacyi biełarusaŭ Estonii Nina Savinava, staršynia Sajuza biełarusaŭ Łatvii Valancina Piskunova, dyrektar kulturna-aśvietnaha centra "Krok" horada Visahinasa (Litva) Aleh Davidziuk, pradstaŭniki municypaliteta Narvy, kiraŭniki biełaruskich supołak Estonii. Było ahučana taksama pryvitańnie Upaŭnavažanaha pa spravach relihij i nacyjanalnaściej Savieta Ministraŭ Biełarusi Leanida Hulaki.

Pradstaŭniki zahranustanovy i ŭsich arhanizacyj dyjaspary pryniali ŭdzieł u pasiadžeńni kruhłaha stała na temu "Biełaruskaja prysutnaść u krainach Bałtyi".

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?