U časie sustrečy sa staršyniom Rady dyrektaraŭ rasiejskaj akcyjanernaj finansavaj karparacyi «Systema» Uładzimieram Jeŭtušenkavym Alaksandar Łukašenka vykazaŭ zacikaŭlenaść u investycyjach karparacyi ŭ vytvorčaść submikronnych mikraschiemaŭ NVA «Intehrał». Pry hetym jon zapeŭniŭ, što biełaruski bok nia budzie «trymacca za kantrolny pakiet akcyjaŭ hetaha pradpryjemstva».

Rasiejski «Kommiersant» pryvodzić słovy prezydenta karparacyi «Systema» Alaksandra Hančaruka pra cikavaść da biełaruskaha pradpryjemstva i kansultacyi nakont jaho nabyćcia. Padrabiaznaści ŭhody pakul (iznoŭ?) nie razhałošvajucca. Kampanija «Trojka Dyjałoh» aceńvaje košt «Intehrału» na $150-200 młn.

Sp. Hančaruk nie chavaje kankretnych metaŭ nabyćcia biełaruskaha pradpryjemstva. Pa jaho słovach, asnoŭnaja pradukcyja «Intehrału» zapatrabavanaja rasiejskimi abaronnymi pradpryjemstvami. Kankurentazdolnaść biełaruskaj mikraelektroniki ŭ inšych halinach va ŭdzielnikaŭ IT-rynku vyklikaje sumnievy. Prezydent kampanii IVK Hryhoryj Sizanienka pryvodzić u zielenahradzki zavod «Mikron», jaki zajmajecca vytvorčaściu kampanentaŭ pa technalohii 0,18 mikrona. Pavodle H. Sizanienki, heta ŭžo daloka nia samaja daskanałaja technalohija, ale na tym ža «Intehrale» pakul vyrablajuć kampanenty pa technalohii 0,5 mikronaŭ. Nabyćcio biełaruskaha pradpryjemstva prezydent IVK rasceńvaje jak palityčny krok — dadatkovy srodak zavajovy rynku Indyi.

Eksperty nie vyklučajuć, što pradukcyja «Intehrału» zapatrabavanaja dziela padtrymańnia ŭ bajavoj hatoŭnaści vajskovaj techniki savieckaj vytvorčaści. Adznačajecca taksama, što AFK «Systema» musić ukłaści istotnyja srodki ŭ padvyšeńnie kankurentazdolnaści pradukcyi «Intehrału». Pry hetym eksperty pieraścierahajuć, što vychad «Systemy» na biełaruski rynak mikraelektroniki vykliča dadatkovyja ryzyki, źviazanyja ŭ pieršuju čarhu ź niepradkazalnaściu biełaruskich uładaŭ. U prykład pryvodziacca rasiejskaja pivavarnia «Bałtyka» dy českaja «Škoda», jakija ŭ svoj čas zharnuli investycyjnyja prajekty ŭ Biełarusi praź nieparazumieńni z uładami.

AAT «NVA «Intehrał» całkam naležyć dziaržavie. U časie isnavańnia SSSR byŭ najbujniejšym vytvorcam mikraschiemaŭ. Na siońnia NVA vypuskaje paŭpravadnikovyja kampanenty pa technalohii 0,5 mikronaŭ, zapatrabavanyja ŭ abaronnaj pramysłovaści dy vytvorčaści pobytavaj elektroniki. Pavodle prahnozaŭ u 2007 h. «Intehrał» maje atrymać dachod $110 młn, čysty prybytak — $11 młn.

AFK «Systema» — najbujniejšy niesyravinny chołdynh u Rasiei. Karparacyja vałodaje i kiruje aktyvami ŭ sferach vysokich technalohijaŭ, suviazi, medycyny, budaŭnictva, u finansavym sektary, turyźmie. Jana ciesna ŭzajemadziejničaje ź dziaržaŭnymi orhanami Rasiei, prymajučy ŭdzieł u realizacyi h.zv. «nacyjanalnych prajektaŭ» u halinie adukacyi, achovy zdaroŭja, raźvićcia elektronnaj pramysłovaści, budaŭnictva, u stvareńni technaparkaŭ, kamercyjalizacyi navihacyjnaj systemy HŁANASS.

Sumarnaja kapitalizacyja daččynych kampanijaŭ AFK «Systema» na 1 lipienia 2007 h. na biržach Ńju-Jorku i Londanu pieravysiła $40 młrd.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?