28 kastryčnika parafija sv. Judy Tadevuša ŭ v. Łučaj (Pastaŭski rajon, Viciebskaja vobł.) adznačała 230‑hodździe z dnia kansekracyi kaścioła.

Śviatuju Imšu celebravaŭ dekan Pastaŭskaha dekanatu ks. Andrej Voźniak SCJ. Razam malilisia Vice‑pravincyjał ajcoŭ kapucynaŭ u Dokšycach a. Marek Pasiut OFMCap i probašč parafii ks. Mikałaj Lipski. Na ŭračystaść prybyli vierniki z navakolnych viosak i inšych miaścin Biełarusi.

Padčas uračystaj śviatoj Imšy praz zastupnictva śviatoha Judy Tadevuša — apiekuna ŭ składanych i bieznadziejnych spravach — prysutnyja malilisia ŭ asabistych intencyjach, a taksama za fundataraŭ i achviaradaŭcaŭ kaścioła. Probašč parafii vykazaŭ padziaku miascovym uładam, dziakujučy jakim była zroblena aŭtastajanka.

Paśla Eŭcharystyi i pracesii z Najśviaciejšym Sakramentam adbyŭsia kancert arhannaj muzyki, na jakim taksama prahučali śpievy ŭ vykanańni parafijalnaha choru.

catholic.by

Zdymki

Клас
Панылы сорам
Ха-ха
Ого
Сумна
Абуральна