Alaksandar Alesin

Akaličnaści mahčymaha prodažu biełaruskaha NVA «Intehrał» rasiejskaj AFK «Systema» kamentuje ahladalnik hazety «Biełorusy i rynok»ekspert Alaksandar Alesin.

Adstavańnie «Intehrału» ad pradpryjemstvaŭ suśvietnaha ŭzroŭniu sapraŭdy istotnaje, i havorka tut viadziecca nie pra hady, a pra dziesiacihodździ. Ale nieabchodna adznačyć, što najpierš našych uschodnich susiedziaŭ cikavić abaronny charaktar dziejnaści pradpryjemstva. I tut u rasiejcaŭ paprostu niama inšaj alternatyvy, bo pradukcyja biełaruskaha «Intehrału» zapatrabavanaja ŭ abaronnaj pramysłovaści Rasiei. U pieršuju čarhu intehravanyja mikraschiemy vykarystoŭvajucca ŭ zenitnych i stratehičnych rakietach, a ŭ hetym vypadku pamier mikračypaŭ nie maje pryncypovaha značeńnia. Rasiejcy, što b jany nie kazali pra «Intehrał», pa‑raniejšamu majuć u im patrebu, bo madernizacyja stratehičnaj zbroi ŭ ich adbyvajecca vielmi marudna, tamu jany zacikaŭlenyja ŭ zachavańni kaaperacyi ŭ hetaj sfery.

Słovy ž pra adstałaść pradukcyi «Intehrału» ad sučasnych standartaŭ varta najpierš rasceńvać jak sprobu źbić košt u vypadku, kali sprava taki dojdzie da prodažu. Choć tut ŭźnikajuć peŭnyja sumnievy nakont stoadsotkavaha pierachodu akcyjaŭ da rasiejcaŭ. «Systema» nie paciahnie ŭvieś «Intehrał»: heta ž i sacyjalnyja abjekty, što znachodziacca na balansie pradpryjemstva, i placoŭki, što daŭno nie funkcyjanujuć. Chutčej za ŭsio rasiejskaja karparacyja pasprabuje vykupić najbolš kamercyjna pryvabnyja abjekty NVA.

Nia varta adnaznačna stavicca taksama i da słovaŭ Łukašenki. Nadta ž nieadnaznačna jany prahučali. Usio heta nahadvaje niejki handal.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?