Čalcy Bałtyjskaj hrupy Eŭraparlamentu vyrašyli supraćstajać budaŭnictvu Paŭnočnaeŭrapiejskaha hazapravodu z Rasiei ŭ Niamieččynu pa dnie Bałtyjskaha mora.

Jany nakiravali ŭ Eŭrakamisiju zapyt z prapanovaj u abaviazkovym paradku pravieści referendumy ŭ krainach rehijonu Bałtyjskaha mora pra dapuščalnaść prajektu Nord Stream.

Ekolahi raskapali sensacyju

Užo ŭ pieršy dzień plenarnaha pasiadžeńnia ŭ Strasbury ŭ kuluarach Eŭraparlamentu stała raspaŭsiudžvacca infarmacyja, što ekolahi vyśvietlili detali zachavańnia chimičnaj zbroi ŭ Bałtyjskim mory. Pavodle ich versii, snarady z atrutnym rečyvam apuskali na dno i paśla Druhoj suśvietnaj vajny, u 1950-yja hady. Kali hetyja źviestki adpaviadajuć rečaisnaści, to heta moža surjozna ŭskładnić i, prynamsi, zrabić bolš darahoj realizacyju prajektu Nord Stream.

Na druhi dzień žurnalistaŭ zaprasili na pres-kanferencyju. Na joj eŭradeputaty — čalcy Bałtyjskaj hrupy, a taksama ceły šerah ekolahaŭ ź Litvy vykazali svaje zaściarohi nakont budučaj ekalahičnaj katastrofy, jakaja – na ich dumku -- nieminučaja, kali hazapravod projdzie pa dnie Bałtyjskaha mora. Eŭradeputaty paviedamili, što ŭžo sabrana kala 24 tys. podpisaŭ suprać budaŭnictva Nord Stream. Heta surjozny syhnał, i ŭ Eŭrakamisiju budzie nakiravany zapyt z prapanovaj u abaviazkovym paradku pravieści referendum va ŭsich krainach rehijonu Bałtyjskaha mora: a ci patrebny im hazapravod? Pavodle nazirańniaŭ Telehrafu, heta inicyjatyva abjadnała mnohich deputataŭ Łatvii, Estonii, Litvy i Polščy, jakija rychtujuć vielmi balučyja dla Rasiei inicyjatyvy.

Čašycie pa sušy

Darečy, na dniach kiraŭnik MZS Estonii Urmas Paet zajaviŭ, što ŭrady krain Bałtyi damovilisia pra adzinuju palityku pra pytantnie budučaha losu hazapravodu. Pavodle jahonych słovaŭ, takaja pazycyja abumoŭlenaja nie palityčnymi, a ekalahičnymi mierkavańniami.

"My rychtujem zajavu na ŭzroŭni ministerstvaŭ ekanomiki Bałtyjskich krain i Polščy da Eŭrakamisiju pra toje, što ŭsio ž taki treba daśledavać realnuju alternatyvu. A realnaja alternatyva — heta prakładka hazapravodu pa sušy", — skazaŭ Paet.

Pavodle nieaficyjnych źviestak, Finlandyja i Niamieččyna staviacca da hetaj prapanovy vielmi skieptyčna. Ministerstva zamiežnych spraŭ Finlandyi navat vystupiła z kamentaram, u jakim paviedamlaje, što ličyć "biespadstaŭnymi dovady ab ryzykach dla biaśpieki, jaki stvoryć Nord Stream". Adnak sprava moža atrymać novy pavarot, bo krainy Bałtyi hatovy pieraciahnuć na svoj bok Eŭrakamisiju.

Pavodle Łatvijskaha Telehrafu

Клас
Панылы сорам
Ха-ха
Ого
Сумна
Абуральна