Ministar infarmacyi: Internet-versii peryjadyčnych vydańniaŭ pavinny rehistravacca na ahulnych umovach.

Siaredni biełarus užo daŭno nia maje dostupu da niezaležnych srodkaŭ masavaj infarmacyi. Zabaronienyja telekanały, radyjostancyi, hazety. Zadušanyja finansavaj piatloj časopisy. Ale ŭsio roŭna strašna: jość jašče ludzi ŭ Biełarusi, jakija zdabyvajuć niepadcenzurnuju infarmacyju.

Biełaruskija čynoŭniki atrymali zadańnie zacuhlać jašče i internet-sferu. Ciapier skančajecca raspracoŭka adpaviednaha zakanadaŭstva.

Biurakraty prydumali noŭ-chaŭ: abaviazkovaja rehistracyja internet-sajtaŭ z navinami. Pra heta paviedamiŭ ministar infarmacyi Uładzimir Rusakievič.

Užo amal dva miesiacy pracuje admysłova stvoranaja kamisija. U jaje ŭvachodzić pradstaŭniki Ministerstva infarmacyi, Ministerstva suviazi, Centru pa abaronie infarmacyi pry Administracyi prezydenta i KDB.

Buduć, jak minimum, try pryłady cisku. Pieršaja — atrymać dazvoł miascovaj administracyi (heta značyć, łukašenkaŭskich ideolahaŭ i specsłužbistaŭ). Pa-druhoje, internet vydańniu zmohuć vynosić papiaredžańni i prypynić jaho dziejnaść. Treciaje — heta raspaŭsiud na tych, chto budzie zajmacca takoj dziejnaściu biez rehistracyi (takich ubdzie bolšaść), artykułu ab parušeńni zakanadaŭstva ab ŚMI.

Biełaruś zastajecca apošniaj eŭrapiejskaj krainaj, dzie jość śmiarotnaje pakarańnie, dzie jość palitviaźni. Zaraz jana stanie pieršaj, u jakoj ideolahi buduć vyrašać, jakija internet-sajty pavinny, a jakija nie pavinny isnavać.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?