Sa studzienia 2008 h. čakajecca značnaje padvyšeńnie cenaŭ na stamatalahičnyja pasłuhi, paviedamiŭ žurnalistam hałoŭny pazaštatny stamatolah Ministerstva achovy zdaroŭja Biełarusi Siamion Navumovič.

Pavodle jaho słoŭ, apošniaje padvyšeńnie cenaŭ na 10‑15% na hetyja pasłuhi było praviedziena ŭ traŭni biahučaha hodu, kali jany pavialičylisia. Na dadzieny momant uzhadniajecca pamier čarhovaha padvyšeńnia. Nieabchodna kankretyzavać vidy stamatalahičnych pasłuhaŭ, jakija pa‑raniejšamu buduć akazvacca hramadzianam roznych katehoryj biaspłatna.

Mierkavanaje padvyšeńnie cenaŭ abumoŭlena pavieličeńniem ich realnaha koštu, adznačyŭ S. Navumovič.

Jon taksama paviedamiŭ, što ŭ stamatalohii Biełarusi nieabchodna ŭmacoŭvać materyjalna‑techničnuju bazu i vyrašać pytańni z brakam uračoŭ u sielskaj miascovaści. Treba pryvieści vučebnyja bazy stamatalahičnych kafedraŭ BDMU, VDMU i BiełMAPA u adpaviednaść z vučebnymi zadačami padrychtoŭki i ŭdaskanaleńnia navykaŭ uračoŭ‑stamatolahaŭ.

Na siońnia ŭ stamatalahičnaj halinie Biełarusi pracujuć amal 9 tys. čałaviek. U respublicy naličvajecca 69 stamatalahičnych paliklinik, bolš za tysiačy bujnych stamatalahičnych adździaleńniaŭ i kala tysiačy stamatalahičnych kabinetaŭ.

Pavodle BIEŁTA

Клас
Панылы сорам
Ха-ха
Ого
Сумна
Абуральна