Va ŭkrainskim MUS ličać, što pradstaŭniki Jeŭramajdanu nie majuć dačynieńnia da ŭźniknieńnia pažaru ŭ Domie prafsajuzaŭ u Adesie 2 maja, jaki zabraŭ žyćci niekalkich dziesiatkaŭ čałaviek.

Pra heta paviedamlaje žurnalist Illa Azaraŭ sa spasyłkaj na namieśnika kiraŭnika MUS Siarhieja Čabatara.

Čabatar adznačyŭ, što ŭzharańnie Doma prafsajuzaŭ dakładna adbyłosia ź vierchnich pavierchaŭ. Bolš za toje, ličać u milicyi, jano pačałosia pa vinie tych, chto znachodziŭsia ŭnutry — «butelka z zapalnaj sumieśsiu pa kletcy zvaliłasia ŭniz, i pačaŭsia pažar».

«Źnizu pažar nie pačynaŭsia, i samaabarona abo «Pravy siektar» u pažary nie vinavatyja. Pavodle jaho słoŭ, ahniastrelnych ranieńniaŭ u zahinułych u Domie prafsajuzaŭ niama, u asnoŭnym, ludzi tam pamierli ad udušša (chtości zhareŭ). Jon kaža, što znojdzienyja hilzy, zbroja i kaktejli ŭnutry budynka, nazyvaje ekstremistami tych, chto byŭ unutry Doma prafsajuzaŭ», - paviedamlaje žurnalist.

Pa słovach Čabatarv, nichto z tych, chto abkłaŭ Dom prafsajuzaŭ, unutr nie zachodziŭ, i nijakaj baraćby pamiž majdanaŭcami i antymajdanaŭcami ŭsiaredzinie nie było. «Pravakacyi z strełami z zbroi ŭ centry horada pačali antymajdanaŭcy», - cytuje jaho Azaraŭ.

Jak viadoma, prakuror Adeskaj vobłaści Ihar Baršulak raniej paviedamiŭ, što ŭ vyniku sutyknieńniaŭ i pažaru ŭ Domie prafsajuzaŭ 2 maja ŭ Adesie zahinuli 46 čałaviek, bolš za dźvieście źviarnulisia pa dapamohu ŭ miedycynskija ŭstanovy, 20 ź jakich - supracoŭniki milicyi.

Deputat Piatro Parašenka zajaviŭ ab najaŭnaści dokazaŭ, što 2 maja ŭ pamiaškańni abłasnoj fiederacyi prafsajuzaŭ u Adesie byŭ arhanizavany terakt.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?