Kreml pavinien ŭstrymacca ad padbuchtorvańnia prarasiejskich sił u Małdovie ŭ toj čas, jak Kijeŭ sprabuje zahasić ŭspyški sieparatyzmu na Uschodzie Ukrainy.

Pra heta zajaviŭ namieśnik hienieralnaha sakratara NATA Alaksandr Vieršboŭ.

Vieršboŭ adznačyŭ, što Małdova adčuła «ŭzmocnieny cisk « u suviazi z kryzisam va Ukrainie.

Jon zaklikaŭ Maskvu pavažać terytaryjalnuju cełasnaść hetaj krainy i adznačyŭ, što NATA pastavicca «vielmi admoŭna» da lubych sprobaŭ zblizić niepryznany režym Prydniastroŭja z Rasijaj.

Vieršboŭ taksama zapeŭniŭ, što budzie abmiarkoŭvać padčas svajho bližejšaha vizitu ŭ Małdovu mahčymaści dla ŭzmacnieńnia vajennaj mocy hetaj krainy.

Jak viadoma, Małdova nie źjaŭlajecca siabram Paŭnočnaatłantyčnaha aljansu. Jana ŭdzielničaje ŭ prahramie NATA «Partniorstva dziela miru», zasnavanaj u 1994 hodzie.

Hałoŭnakamandujučy abjadnanymi ŭzbrojenymi siłami NATA ŭ Jeŭropie hienierał Filip Brydłaŭ papiaredziŭ u sakaviku hetaha hoda, što ruskija vojski, zasiarodžanyja na ŭschodnich miežach Ukrainy, znachodziacca ŭ zručnaj pazicyi dla ŭvarvańnia ŭ Prydniastroŭje.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?