Žanr: film žachaŭ
Režysior: Džon Poh
U rolach: Džared Charys, Sem Kłaflin, Eryn Ryčards, Rory Flek-Birn, Alivija Kuk, Łory Kełviert
ZŠA, Vialikabrytanija, 98 chv.

Prafiesar Oksfardskaha ŭniviersiteta Džozef Koŭplend upeŭnieny, što tak zvanyja apantanyja djabłam ludzi — achviary ŭnušeńniaŭ i traŭmaŭ. Heta jon choča dakazać na prykładzie ŭdałaha azdaraŭleńnia. Prafiesar stvaraje hrupu z najlepšych studentaŭ i pacyjentki Džejn, telekinetyka, jakuju vyzvaliŭ z kliniki, kab vylečyć. Kampanija sielicca razam ŭ domie i pravodzić sieryju testaŭ, jakija fiksujucca na videakamieru. Ale ekśpierymient vychodzić z-pad kantrolu…

Film žachaŭ, jaki vykarystoŭvaje ŭsie mahčymyja štampy žanru, u tym liku modnyja ciapier psieŭdadakumientalnyja zdymki, i napoŭnicu ekspłuatuje temu ŭsieahulnaha zła. Dziejańnie adbyvajecca ŭ anturažy 1970-ch.

Siužet składajecca z scen ekśpierymientaŭ, na praciahu jakich pryborami fiksujucca paranarmalnyja źjavy. Atmaśfiera žachu nahniatajecca pastupova, siužet nabyvaje detektyŭnyja rysy, ale finał zanadta pradkazalny. Stužka nie ŭtrymlivaje ŭ sabie ničoha hłybokaha i maje na mecie adno: pakazytać niervy ŭsim achvotnym.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?