Kiraŭnik MZS Rasijskaj Fiederacyi Siarhiej Łaŭroŭ zajaviŭ, što Rasija nie maje namieru pasyłać vojski va Ukrainu, paviedamlaje telekanał Dožd́.

«U nas niama nijakich namieraŭ adpraŭlać jakija b ni byli atrady kudy b tam ni było», — skazaŭ Łaŭroŭ u intervju telekanału Bloomberg.

Tak jon adkazaŭ na pytańnie, ci mohuć rasijskija vojski źjavicca ŭ Daniecku abo ŭ Łuhansku, kali Maskva paličyć nielehitymnymi vybary prezidenta Ukrainy 25 maja.

Łaŭroŭ zaklikaŭ nie nazyvać aktyvistaŭ, jakija pratestavali ŭ Daniecku i Łuhansku suprać kijeŭskich uładaŭ, «prarasijskimi».

«Jany nie chočuć być nazvanymi «prarasijskimi» ci «praamierykanskimi», jany chočuć nazyvacca ŭkraincami. Kali ty čakaješ, što da ciabie buduć stavicca jak z roŭnaha, a z taboj abychodziacca jak z brudam abo žyviołami, ci ŭvohule całkam ihnarujuć, jak kijeŭskija ŭłady rabili na praciahu dvuch abo troch miesiacaŭ, tady ja razumieju ludziej, jakija chočuć pryciahnuć uvahu da svaich prablemaŭ», — skazaŭ rasijski ministr.

«Sproba pryciahnuć uvahu prajaviłasia, a armii było zahadana iści i zmahacca ź imi, tady hetyja ludzi zachacieli ŭziać svoj los u svaje ruki. Voś čamu my pavažajem vyniki refierendumaŭ, jakija tam prajšli», — adznačyŭ Łaŭroŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0