Sprava tyčycca niezakonnaj pradprymalnickaj dziejnaści, źviazanaj z parušeńniem zakanadaŭstva pra dapamožnyja repraduktyŭnyja technałohii. Raniej paviedamlałasia, što pad śledstva trapiła dyrektar ahienctva «Surkansałt» Aksana Kalasień.

«Zhodna z atrymanymi dadzienymi, indyvidualny pradprymalnik zajmałasia pošukam surahatnych maci dla žančyn, jakija pa miedycynskich pakazalnikach nie mahli zaciažaryć, vynasić i naradzić dzicia. Za arhanizacyju ich sustreč padazravanaja atrymlivała hrašovyja ŭznaharodžańni. Akramia hetaha, jana kantralavała prachodžańnie miedycynskaha abśledavańnia pa miescy žycharstva surahatnaj maci da momantu padpisańnia nataryjalnaj damovy surahatnaha maciarynstva. Kali pa zaklučeńni miedykaŭ žančyna nie mahła ŭdzielničać u prahramie «Surahatnaje maciarynstva», to adbyvałasia padmiena dakumientaŭ»,

— paviedamili ŭ Śledčym kamitecie.

Śledčyja taksama vyjavili, što pry zaklučeńni nataryjalnych damoŭ paznačalisia niesapraŭdnyja źviestki pra vidy dapamožnych repraduktyŭnych technałohij i pra ŭstanovy achovy zdaroŭja, dzie hetyja technałohii mielisia vykarystoŭvacca. Naprykład, niekalki pracedur musili adbyvacca ŭ Sankt-Pieciarburhu, a pravodzilisia ŭ Biełarusi.

Padazravanaja znachodzicca pad padpiskaj. Joj pahražaje da 5 hadoŭ kałonii. Ciapier adbyvajucca pracesualnyja dziejańni ŭ Rasii.

 

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?