Prajšli Dziady. Radyjo padrabiazna raskazała pra tałoki dy mitynhi ŭ Kurapatach i inšych miescach, dzie pachavanyja achviary savieckaha režymu. Na ŭsich stancyjach prajšli hutarki z daśledčykam represijaŭ Marakovym. Asabliva padrabiaznaja hutarka ź im prajšła na Radyjo Svaboda. Na jaho chvalach štodnia čytajuć martyraloh achviaraŭ. Heta vielmi važnaja tema. Tolki voś jakaja dumka ŭ mianie ŭźnikła. Kali prosta pieraličvać kolkaść achviaraŭ, dyk ad hetaha moža być i advarotny efekt. U słuchača moža tolki pavialičycca rospač, zdranćvieńnie, strach. Treba, na moj pohlad, pobač ź pieralikam achviaraŭ (martyraloham) bolej davać analityčnych materyjałaŭ. Čamu isnavaŭ saviecki teror? Što moža rabić śviadomaje hramadztva z hetkaj spadčynaj?
Mahu paraŭnać z tym, jak heta robić rasiejskaja słužba Radyjo Svaboda. Tam, naprykład, štotydzień hučyć pieradača Ŭładzimiera Tolca «Roźnica ŭ časie». Dyk voś tam ja znachodžu adkazy na mnohija pytańni i pra našu biełaruskuju historyju. Biełaruś tady ŭvachodziła ŭ skład Savieckaha Sajuzu, i scenary trahiedyjaŭ, što adbyvalisia na našaj ziamli, pisalisia ŭ Maskvie. I siońnia słuchač u Biełarusi pavinien lepiej viedać, jak vyvučajuć spadčynu tych lichich hadoŭ u Maskvie, u Kijevie, u Vilni. Jak prykład, nastojliva raju pieradaču spadara Tolca «1937 i my».
Moŭnaja zaŭvaha. 1 listapada na Radyjo Racyja Aryna Anders čytała naviny. U tych navinach było štości pra biełaruskaha baksiora. A mianie, jak udar taho baksiora, začapiła adno słoŭca z vusnaŭ žurnalistki — pajadynak. Kłasnaje słoŭca! Ale jaho treba ŭžyvać u vypadkach, kali havorka idzie pra abjadnańnie kahości z kimści, albo ŭ vypadku pajadańnia kahości kimści. A ŭ vypadku z baksiorami možna ŭžyvać słovy — boj, bojka, dvuboj.
