 Astryd Lidhren |
13 listapada ŭ stalicy startuje festyval dziciačaha švedzkaha kino, pryśviečany 100-hadovamu jubileju Astryd Lindhren. Usie filmy — u biełaruskim pierakładzie.
Znakamitaja kazačnica ŭmieła nie prosta prydumlać cikavyja historyi, jana razumieła pačućci i patreby dziaciej, vałodała redkaj zdolnaściu kazać pra składanyja filazofskija prablemy z pazycyi dziciaci. A jaje hieroi — Mały i Karłsan, Pepi doŭhaja pančocha i Kali Blumkvist — nazaŭsiody zastalisia ŭ pamiaci cełych pakaleńniaŭ.
Uvazie maleńkich hledačoŭ prapanoŭvajucca filmy pa matyvach tvoraŭ Astryd Lindhren.
Tak, 13 listapada vy možacie prahladzieć «Maleńkaha Nilsa i Karłsana» (pryhody chłapca, jaki adnojčy pačuŭ šorhat pad łožkam i ŭbačyŭ tam źbiantežanaha maleńkaha chłopčyka). 14 listapada adbudziecca pakaz filmu «Ŭsie našy dzieci z Bulerbiu» (pryhody siabroŭ u pošukach kładaŭ na vostravie; heta film pra dziaciej, dla dziaciej i dla tych darosłych, jakija pamiatajuć, što značyć być małym). A 15 listapada vas čakaje stužka «Braty Lvinaje serca» (pra bratoŭ, jakija paśla śmierci sustrelisia ŭ čaradziejnaj krainie Nanhijale, dzie advažvajucca dapamahčy miascovym žycharam, jakija cierpiać ad ad čornaha rycara Tenhiła i jahonaha cmoka Katły).
Usie filmy majuć anhlijskija subtytry i biełaruski pierakład.
Pakazy adbuducca ŭ kinateatry «Centralny» u 11.00 i 15.30.
