Alaksandr Łukašenka 2 červienia pryniaŭ z dakładam staršyni Dziaržaŭnaha pahraničnaha kamiteta Leanida Malcava.

Na sustrečy taksama prysutničaŭ dziaržaŭny sakratar Rady biaśpieki Biełarusi Alaksandr Miažujeŭ.

Alaksandr Łukašenka pacikaviŭsia, ci majucca jakija-niebudź prablemy ŭ dziejnaści pahranviedamstva, jakija patrabujuć pryniaćcia rašeńnia na ŭzroŭni prezidenta.

Kiraŭnik dziaržavy adznačyŭ, što hetym letam chacieŭ by pabyvać na miažy, kab asabista aznajomicca z vykanańniem raniej dadzienych daručeńniaŭ.

Łukašenka zajaviŭ, što ŭ pryvatnaści maje namier aznajomicca z raźvićciom turystyčnaha patencyjału biełaruskich vyspaŭ na race Zachodni Buh. «Heta vielmi cikava dla ludziej. Z punktu hledžańnia patryjatyčnaha, vajenna -patryjatyčnaha vychavańnia dla nas heta vielmi važna», — skazaŭ kiraŭnik dziaržavy. Pry hetym jon adznačyŭ, što try hady tamu staršynia Bresckaha abłvykankama Kanstancin Sumar abiacaŭ pryvieści ŭ paradak adpaviednyja terytoryi i katakomby, ruiny, arhanizavać turystyčnyja ściežki.

Na dumku Alaksandra Łukašenki, tyja miescy taksama možna było b zadziejničać dla kinazdymak.

«Tam z zadavalnieńniem buduć zdymać filmy, bo lepšaha miesca dla naturalnych zdymak nie znojdzieš», - adznačyŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?