Novym kiraŭnikom pres-słužby prezidenta Biełarusi pryznačany Andrej Papoŭ, paviedamili BiełaPAN u pres-słužbie kiraŭnika dziaržavy. 

Siarhiej Pieluškievič, jaki kiravaŭ pres-słužbaj prezidenta ź lutaha 2013 hoda, pierajšoŭ na pasadu namieśnika hałoŭnaha redaktara haziety «Sovietskaja Biełoruśsija». 

Kamientujučy pryčynu źmieny pracoŭnaha miesca, jon rastłumačyŭ: «Vielmi ciahnuła ŭ žurnalistyku, zachaciełasia viarnucca». (Raniej Pieluškievič pracavaŭ na Pieršym kanale Biełaruskaha radyjo.) Havoračy pra vopyt pracy ŭ pres-słužbie prezidenta, Pieluškievič zaznačyŭ, što heta była «vielmi cikavaja, adkaznaja i surjoznaja škoła žyćcia», a taksama što jamu pašancavała pracavać «z cudoŭnym kalektyvam». 

Uradženiec Bresta, vypusknik Linhvistyčnaha, jon zrabiŭ karjeru ŭ MZS. Andrej Papoŭ z 1996 hoda pracavaŭ u sistemie Ministerstva zamiežnych spraŭ Biełarusi.

Ź lutaha 2006 hoda pa krasavik 2010-ha zajmaŭ pasadu načalnika ŭpraŭleńnia infarmacyi — pres-sakratara MZS. Z krasavika 2010 hoda pa maj 2014-ha Papoŭ pracavaŭ namieśnikam pastajannaha pradstaŭnika Respubliki Biełaruś pry AAN i inšych mižnarodnych arhanizacyjach u Ženievie.

Клас
Панылы сорам
Ха-ха
Ого
Сумна
Абуральна