Novyja ŭspyški asabliva niebiaśpiečnaha zachvorvańnia — afrykanskaj čumy śviniej (AČS) zarehistravany ŭ Polščy i Smalenskaj vobłaści Rasii.

Ab hetym paviedamili ŭ departamiencie vieterynarnaha i charčovaha nahladu Minsielhascharča Biełarusi.

U suviazi z hetym u viedamstvie prainfarmavali ab nieabchodnaści pryniaćcia mier pa niedapuščeńni ŭvozu na terytoryju respubliki z Polščy, a taksama Smalenskaj vobłaści śviniej i pradukcyi pierapracoŭki śvininy, u tym liku ad dzikoŭ, skuranoj, rohakapytnaj i kišačnaj syraviny, palaŭničych trafiejaŭ, atrymanych ad usprymalnych vidaŭ žyvioł, karmoŭ i karmavych dabavak dla žyvioł raślinnaha i žyviolnaha pachodžańnia, u tym liku z ptuški i ryby, karmavych dabavak dla katoŭ i sabak, a taksama hatovych karmoŭ dla katoŭ i sabak, jakija nie prajšli termičnuju apracoŭku, vyrablenych z syraviny, što pachodzić z Polščy i Smalenskaj vobłaści RF, byłoha va ŭžyvańni abstalavańnia dla ŭtrymańnia, zaboju i raźbirańnia śviniej.

«Adnačasova nieabchodna pryniać dadatkovyja miery kantrolu pa zabieśpiačeńni bijałahičnaj abarony vialikich śvinahadoŭčych kompleksaŭ, a taksama śvinahadoŭčych fierm i haspadarak usich form ułasnaści», — adznačyli ŭ departamiencie.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?