Pra heta ŭ intervju sajtu charter97.org paviedamiŭ Uładzimir Kotaŭ, hałoŭny inžynier pradpryjemstva «Minskinžprajekt», adkaznaha za ŭviadzieńnie ŭ ekspłuatacyju kalektaraŭ «Niamiha» i «Centr».
— Uładzimir Siamionavič, kali ž narešcie buduć adramantavanyja daždžavyja kalektary «Niamiha» i «Centr»?
— «Niamiha» zdadzieny ŭ ekspłuatacyju ŭ piatnicu, i ŭžo pracuje.
— To bok, heta značyć, što Niamihu ŭžo zataplać nie budzie?
— Budzie.
— Čamu?
— Tamu što kalektary nie ratujuć ad karotkačasovaha zatapleńnia.
— A što ŭ takim vypadku moža dazvolić paźbiehnuć zatapleńnia?
— Taki ž klimat, jak u pustyni Sachara. Bo techničnych rašeńniaŭ, jakija mahli b praduchilić karotkačasovaje padtapleńnie pry vypadzieńni daždžoŭ, nie isnuje va ŭsim śviecie. Naprykład, u hetym hodzie zatapiła Słavieniju, topić Polšču, i ničoha zrabić niemahčyma. Z hetym treba navučycca žyć. Raniej umieli — raniej, naprykład, nichto nie zabudoŭvaŭ, skažam, niejkija suchadoły abo blizka da bierahoŭ nie sialiŭsia. Čamuści ciapier pra heta zabylisia.
— Heta tyčycca tolki centra horada?
— Heta tyčycca luboj terytoryi. Daždžavaja kanalizacyja raźličvajecca na mahčymaść padtapleńnia try razy na hod. Heta značyć try razy na hod apadkaŭ vypadaje stolki, što kalektary ich prosta nie prymajuć, i niejki čas daždžavaja vada zapasicca na prajeznaj častki vulicy. Tak što karotkačasovyja padtapleńni — źjava viečnaja, pra heta treba pamiatać i, jak ja ŭžo skazaŭ, navučycca z hetym žyć.
— Zrazumieła. Vy skazali, što kalektar «Niamiha» zdadzieny ŭ piatnicu, a kali ŭ takim vypadku budzie zrobleny kalektar «Centr»?
— Pieršaja čarha ŭžo pabudavanaja, dalej — užo pytańnie finansavańnia. Heta vielmi darahoje zbudavańnie, i pakul hrošaj u biudžecie na prajektavańnie i realizacyju niama.
Nahadajem, na praciahu apošnich dvuch tydniaŭ z-za mocnych apadkaŭ Miensk zataplivała ŭžo niekalki razoŭ.
