Centralnaja vybarčaja kamisija pryznała Piatra Parašenku abranym prezidentam Ukrainy na daterminovych vybarach 25 maja.

Adpaviedny pratakoł byŭ padpisany ŭsimi členami kamisii na pasiadžeńni CVK u paniadziełak.

Jaho taksama padpisali ŭpaŭnavažanyja niekatorych kandydataŭ u prezidenty.

Jak viadoma, Parašenka nabraŭ bolšaść hałasoŭ vybarščykaŭ — 54,7%. Takim čynam, vybary adbylisia ŭ adzin tur.

U vyniku svoj hołas na vybarach addali 18 młn 19 tysiač 544 ukraincy. Za Parašenku prahałasavali 54,7% vybarščykaŭ, abo 9 857 308 čałaviek.

Pavodle aficyjnych dadzienych, Julija Cimašenka nabrała 12,81%, Aleh Laško — 8,32%, Anatol Hrycenka — 5,48%, Siarhiej Cihipka — 5,23%, Michaił Dobkin — 3,03%, Vadzim Rabinovič — 2, 25%.

Astatnija kandydaty atrymali mienš za 2% hałasoŭ vybarščykaŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?