U Jałcie z ukrainskaj škoły-himnazii, vypuskniki jakoj na apošnim zvanku śpiavali himn Ukrainy zamiest rasiejskaha, zvalniajuć dyrektara i ŭsich piedahohaŭ. Ab hetym paviedamlajecca na staroncy «Jevropiejśka Ukrajina» u Fejsbuku.
Tam apublikavany list adnaho z vypusknikoŭ, jaki ŭžo vyjechaŭ z aneksavanaha Krymu. «Maich adnakłaśnikaŭ, jakija zastalisia ŭ Jałcie, prymušajuć prychodzić u škołu i pisać tłumačalnyja zapiski, čamu my śpiavali. Nastaŭnikaŭ i dyrektara škoły zvalniajuć ŭ hetuju chvilinu. Usich», — havorycca ŭ liście.
Vypusknik dadaŭ: «Nichto nie viedaŭ, što my budziem śpiavać! A my, u svaju čarhu, śpiavali śviadoma. My patryjoty Ukrainy i zaŭsiody imi byli».
Videazapis, na jakim vypuskniki, pačuŭšy huki rasijskaha himna, pačynajuć zamiest jaho śpiavać ukrainski, źjaviłasia ŭ internecie 1 červienia. Piedahohi, idučy nasustrač vučniam, vyklučyli zapis i pastavili zamiest jaho zapis himna Ukrainy.
