Prezident Ukrainy Piatro Parašenka nie vyklučaje mahčymaści praviadzieńnia kruhłaha stała ŭ Daniecku pry ŭdziele tych bakoŭ kanfliktu, jakija padtrymlivajuć mirny płan jaje rašeńnia.

Pra heta paviedamiła pres-słužba kiraŭnika dziaržavy.

U sieradu adbyłasia sustreča Parašenki z staršynioj Danieckaj abłasnoj dziaržaŭnaj administracyi Siarhiejem Tarutam. Jany abmierkavali płan mirnaha ŭrehulavańnia kanfliktu na Danbasie.

Parašenka nie vyklučyŭ, što ŭ Daniecku moža adbycca kruhły stoł z udziełam roznych bakoŭ kanfliktu, jakija padtrymlivajuć mirny płan vyrašeńnia situacyi.

«Nam pieramovy dla pieramovaŭ nie patrebnyja», — zajaviŭ Parašenka. — «Naš mirny płan pavinien stać bazaj dla dalejšaj deeskałacyi kanfliktu. Terarysty pavinny skłaści zbroju».

Mirny płan prezidenta Ukrainy praduhledžvaje pryznańnie Rasijskaj Fiederacyjaj vynikaŭ prezidenckich vybaraŭ, spynieńnie terarystami ahniu i stvareńnie vyratavalnaha kalidora dla mirnaha nasielnictva, jakoje nie ŭdzielničaje ŭ kanflikcie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?