U intervju, jakoje było pakazana ŭviečary 18 červienia ŭ efiry ŭkrainskaha «Hramadskaha TB» u pramym efiry, telefonny žartaŭnik Vavan222 paviedamiŭ, čamu vyrašyŭ patelefanavać u Minsk, jak, na jaho dumku, zapis razmovy z Łukašenkam trapiŭ u internet i ci adkaža biełaruski kiraŭnik na rozyhryš.

Prankier vyklučaje mahčymaść taho, što zapis razmovy «źlili» rasijskija śpiecsłužby. Jon paćvierdziŭ, što aŭdyjofajł, vykładzieny ŭ internecie, ujaŭlaje saboj usiu hutarku z prezidentam «biez kupiur»: «Vidavočna byli niejkija śpiecsłužby. Moža być, heta i ad ich pajšło».

«Pavodziny Łukašenki ŭ hetaj razmovie dosyć krasamoŭnyja. Hledačam našym absalutna zrazumieła jaho dvaistaja pazicyja — i našym, i vašym», — zaŭvažyŭ na heta žurnalist, dadaŭšy paźniej: «Jość čutki, što Łukašenka rasparadziŭsia puścić vas na korm».

Uładzimir pastaviŭsia da hetaha z humaram, skazaŭšy, što źbirajecca praciahnuć telefonnyja rozyhryšy viadomych ludziej, u tym liku i z Ukrainy.

«Hałoŭnaje, kab na korm nie puścili rybam, straŭsam, zajčykam. Zrešty, kali Łukašenka adpravić (u adstaŭku) kiraŭnika KDB, to ja hatovy zaniać hetuju pasadu. Ale pahladzim, što tam jašče za pasada», — skazaŭ jon.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?