Da 28 hradusaŭ ciapła čakajecca na terytoryi Biełarusi ŭ niadzielu, paviedamiła karespandentu BiełTA hałoŭny sinoptyk Respublikanskaha hidramieteacentra Ludmiła Paraščuk.

Photo by: Ricardas Sinkus

Photo by: Ricardas Sinkus

U subotu paŭnočna-zachodni viecier źmienicca na zachodni, i na terytoryju Biełarusi pačnie pastupać ciopłaje pavietra z Centralnaj Jeŭropy. Tempieratura pavietra ŭnačy składzie 4—10 hradusaŭ, dniom — 15—22 hradusy, pa paŭdniovym zachadzie Bresckaj vobłaści — da 23—25 hradusaŭ.

U niadzielu ciopłaje pavietra raspaŭsiudzicca na terytoryju ŭsioj krainy.

Tempieratura pavietra ŭnačy składzie 8—15 hradusaŭ, dniom budzie ad 22 da 28 hradusaŭ, na paru hradusaŭ chaładniej — pa paŭnočnym uschodzie. Unačy čakajecca pieravažna biez apadkaŭ, dniom miescami, u asnoŭnym u paŭnočna-zachodnich rajonach, mahčymy karotkija letnija daždžy, dzie-nidzie z navalnicami. Nočču i ranicaj miescami tuman. Niekatory dyskamfort u nadvorje ŭniasie słaby paŭdniovy viecier, dadała Ludmiła Paraščuk.

Atmaśfierny cisk u paniadziełak pačnie padać. Biełaruś apyniecca pad upłyvam aktyŭnaha atmaśfiernaha frontu, źviazanaha z cykłonam nad krainami Bałtyi.

U suviazi z hetym na bolšaj častcy terytoryi krainy čakajucca karotkačasovyja daždžy, miescami prahrymiać navalnicy,

dniom u asobnych rajonach pry navalnicach mahčymy mocnyja daždžy, hrad i škvalistaje ŭzmacnieńnie vietru.

Tempieratura pavietra ŭ načnyja hadziny składzie plus 13—18 hradusaŭ. Dniom budzie ad 20—22 hradusaŭ pa zachadzie da 27—29 ciapła pa ŭschodzie krainy.

«Lipień startuje razam z kantrasnym atmaśfiernym frontam, jaki stanie pavolna pieramiaščacca va ŭschodnim kirunku. A ŭśled za im u Biełaruś pačnie pastupać prachałoda», — skazała Ludmiła Paraščuk.

Tempieratura pavietra ŭ razhar dnia 1 lipienia składzie ad 16 da 23 hradusaŭ, tolki pa ŭschodzie ŭsio jašče budzie pa-letniamu ciopła — ad 24 da 27 hradusaŭ. Na bolšaj častcy terytoryi projduć navalničnyja daždžy.

U sieradu pačniecca pastupleńnie na terytoryju Biełarusi śviežych i niaŭstojlivych pavietranych mas z akvatoryi Bałtyjskaha mora, pry hetym daždžoŭ stanie mienš. Tempieratura pavietra ŭnačy składzie 7—14 hradusaŭ, u dzionnyja hadziny čakajecca ad 17 da 24 hradusaŭ ciapła.

Doŭhaterminovy prahnoz abiacaje miakkija tempieratury ciaham dvuch nastupnych tydniaŭ: kala 18—23 ciapła na poŭnačy i ŭ centry i kala 20—25 hradusaŭ na Bieraściejščynie i Homielščynie.

Клас
Панылы сорам
Ха-ха
Ого
Сумна
Абуральна