Prezident Ukrainy pravioŭ naradu ź siłavikami i na padstavie rašeńnia Rady nacyjanalnaj biaśpieki i abarony padoŭžyŭ režym nieŭžyvańnia siły da 22.00 paniadziełka 30 červienia.

U zajavie Parašenki, apublikavanaj kala 0.30 suboty, havorycca: «Pa vynikach narady Ukraina čakaje, što za čas spynieńnia prymianieńnia siły adbudziecca:

• zakryćcia punktaŭ viarboŭki najmitaŭ na terytoryi Rasijskaj Fiederacyi;

• spynieńnie pieramiaščeńnia niezakonnych uzbrojenych farmiravańniaŭ na terytoryi Danieckaj i Łuhanskaj abłaściej.

Pabudova ŭmacavańniaŭ abo zbudavańniaŭ, jakija pieraškadžajuć mirnaha žyćcia žycharoŭ Danbasa, budzie ličycca parušeńniem režymu spynieńnia ahniu».

U svaju čarhu, Rada Jeŭrasajuza apublikavała zajavu, u jakoj zapatrabavała ad Rasii da kanca vychadnych zabiaśpiečyć spynieńnie ahniu na ŭmovach, vystaŭlenych Kijevam.

Jeŭrapiejskaja Rada čakaje, što «da paniadziełka 30 červienia buduć ažyćcioŭleny nastupnyja kroki: pahadnieńnie ab miechanizmach kantrolu pad manitorynham ABSIE z nahody spynieńnia ahniu i efiektyŭnaha kantrolu na miažy; viartańnie troch pamiežnych prapusknych punktaŭ ukrainskaj uładzie (Izvaryn, Dałžanski, Čyrvonopartyzansk), vyzvaleńnie zakładnikaŭ, u tym liku ŭsich naziralnikaŭ ABSIE; pačatak istotnych pieramoŭ pa implemientacyi mirnaha płana prezidenta Parašenki».

«Jeŭrapiejskaja Rada nahadvaje, što Jeŭrakamisija, Jeŭrapiejskaja słužba pa zamiežnych spravach i krainy-siabroŭki praviali padrychtoŭčuju rabotu pa mahčymych kropkavych zachadach … dla taho, kab možna było nieadkładna ažyćciavić dalejšyja kroki ŭ vypadku, kali padziei na ŭschodzie Ukrainy buduć hetaha patrabavać», — havorycca ŭ vysnovach.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?