Były viadučy tok-šou «Forum» na kanale «Biełaruś-1» Dźmitryj Kościn ciapier pracuje načalnikam słužby pa suviaziach z hramadskaściu i ŚMI ŭ kampanii «Hazprom transhaz Biełaruś» (były «Biełtranshaz»).

— Vas nazyvajuć śpiecyjalistam pa padrychtoŭcy siužetaŭ z Łatvii, Litvy i Estonii. Pa kamandziroŭkach u Prybałtyku nie sumujecie?

— Jość takoje. Ja padtrymlivaju adnosiny ź siabrami i kalehami z krain Bałtyi. Siońnia inakš być nie moža. My žyviem u adzinaj infarmacyjnaj prastory. Pa niekatorych pytańniach pijaru ŭ Łatvii jość bolš daśviedčanyja kalehi. Padtrymlivaju ź imi pastajanny kantakt. Zaraz chaču źjeździć u Ryhu. Jana mnie vielmi padabajecca svajoj architekturaj i atmaśfieraj.

— Kažuć, vam prapanoŭvali viarnucca ŭ Biełteleradyjokampaniju. Što skažacie?

— U adnu raku dvojčy ŭvajści niemahčyma. Ale kali spatrebicca mienavita moj udzieł u śpiecyjalnych prajektach, to čamu b i nie…

* * *

Dźmitryj Kościn pracavaŭ zahadčykam adździeła reparcioraŭ Ahienctva televinaŭ.

Jon byŭ adnoj z telezorak pačatku 1990-ch. Zajmaŭsia muzyčnym viaščańniem, paśla stvaraŭ prajekty ŭ moładzievaj redakcyi BT, byŭ zasnavalnikam pieršaj prahramy pra mašyny «Aŭtapark».

U 2005 hodzie viadučy atrymaŭ śpiecyjalnuju premiju kiraŭnika dziaržavy dziejačam kultury i mastactva, a ŭ 2006 ačoliŭ infarmacyjny štab Alaksandra Łukašenki na prezidenckich vybarach.

U pačatku 2010-ych Kościn pracavaŭ u «Vakoł płaniety» i «Forumie».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?