Rada Biełaruskaj Narodnaj Respubliki raspaŭsiudziła aficyjnuju zajavu, u jakoj jana vitaje padpisańnie Ŭkrainaj, Hruzijaj i Małdovaj pahadnieńniaŭ ab asacyjacyi ź ES.

«Rada vinšuje kiraŭnictva i narody hetych blizkich Biełarusi krainaŭ z važnym krokam na šlachu eŭrapiejskaje intehracyi, jaki adčyniaje dla ich novyja mahčymaści dla ekanamičnaha i humanitarnaha raźvićcia», havorycca ŭ zajavie.

Rada BNR taksama vykazała svaju padtrymku zbližeńniu Biełarusi i Jeŭrapiejskaha Sajuza

pry ŭmovach vyzvaleńnia i reabilitacyi ŭładami Respubliki Biełaruś usich palitviaźniaŭ, praviadzieńnia ŭ Biełarusi vybaraŭ pa mižnarodnych standartach i zabieśpiačeńnia biełaruskim hramadzianam demakratyčnych svabodaŭ.

Vyzvaleńnie Alesia Bialackaha Rada BNR rasceńvaje jak stanoŭčy, ale nie dastatkovy krok dla pačatku narmalizacyi stasunkaŭ pamiž Minskam i mižnarodnaj supolnaściu.

Rada BNR - najstarejšaja isnujučaja palityčnaja arhanizacyja biełaruskaj dyjaspary, najvyšejšy dziaržaŭny orhan Biełaruskaj Narodnaj Respubliki, jaki byŭ utvorany ŭ 1917 hodzie i ad 1919 h. funkcyjanuje ŭ vyhnańni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?