«Siońnia nastaŭnica hieahrafii skazała, što Italija padobnaja da bota. — Italija padobnaja da raju, heta ty padobnaja da bota!» —«baradaty» aniekdot nie chłusić. Italija — sapraŭdy taja kraina, kudy chočacca viartacca znoŭ i znoŭ. 

Bo kožny raz Italija roznaja. Mienavita ŭ Italii znachodzicca najbolšaja kolkaść abjektaŭ suśvietnaj spadčyny JUNESKA: ažno 50. Poŭnač nie padobnaja da centralnaj častki, Centralnaja Italija nie padobnaja da Paŭdniovaj. Havorka pojdzie pra samy paŭdniovy rehijon Italii — Sicyliju.

Jak dabracca? 

Vid na horad Trapani.

Vid na horad Trapani.

Dabracca da najbujniejšaj mižziemnamorskaj vyspy ź Biełarusi niaciažka. Łoŭkost-avijalinii zrabili kali nie śviet, dyk Jeŭropu dakładna bližejšaj da nas. Rehularnyja rejsy kampanii Ryanair da Trapani lotajuć ź litoŭskaha Kaŭnasa i Varšavy. Pieralot tudy-nazad abydziecca prykładna ŭ 100—150 jeŭra z čałavieka.

Dzie žyć?

Dom u Katanii. 

Dom u Katanii. 

Na Sicylii niaciažka znajści tannaje žytło. Šukać lepš praz servisy kštałtu Booking.com ci Airbnb. Aŭtar hetaha materyjału patraciŭ na žytło za 7 načej u troch roznych haradach 370 jeŭra. Adnak košty, viadoma, zaležać ad siezona. Samy haračy miesiac jak u płanie nadvorja, tak i ŭ płanie turystyčnych vydatkaŭ — žnivień.

Vulica ŭ Palerma, na jakoj handlujuć vyklučna viełasipiedami.

Vulica ŭ Palerma, na jakoj handlujuć vyklučna viełasipiedami.

Treba viedać, što na Sicylii vielmi mała «tradycyjnych» hatelaŭ. Žytło dla turystaŭ isnuje ŭ vyhladzie B&B (Bed&Breakfast, ci «łožak i śniadanak»).

B&B možna paraŭnać z kvaterami ci pakojami na sutki dla adnoj-dźviuch asob. U B&B niama recepcyi z administrataram, jak u hateli, dy i moža nie być nijakaha servisu: pry zasialeńni vam dajuć kluč — i rabi, što chočaš. Ale pierad hetym uładalniki apartamientaŭ zachaplalna raskažuć vam pra ŭsie cikavyja miescy, daduć kartu miascovaści i kartki na źnižku ŭ restaranach i barach.

Hruzavy mataroler, aformleny ŭ styli tradycyjnych sicylijskich vazoŭ. 

Hruzavy mataroler, aformleny ŭ styli tradycyjnych sicylijskich vazoŭ. 

Taki sposab pražyvańnia nadzvyčaj kamfortny. Asabliva, kali ŭdasca źniać pakoj z kuchniaj. Tady možna nie kłapacicca ab charčavańni, a zakupić pradukty ŭ najbližejšym supiermarkiecie i pasprabavać pryhatavać sapraŭdnuju italjanskuju pastu. Da taho ž z vysokaj vierahodnaściu žyć daviadziecca ŭ zvyčajnym domie siarod italjanskich siemjaŭ — atrymajecca poŭnaje pahružeńnie ŭ kulturu krainy.

Adnak nie zabudźciesia damovicca z supracoŭnikami B&B ab časie zasialeńnia, vaźmicie kantaktny numar telefona i elektronnuju poštu, inakš možna ŭpiercisia ŭ začynienyja dźviery i pabiehać pa horadzie ŭ pošukach kluča.

Čym charčavacca?

Hałodnym na Sicylii zastacca niemahčyma — prablema ŭ tym, kab nie abjeścisia. Italjanskaja kuchnia pa pravie ličycca adnoj z samych daskanałych u śviecie, joj pryśviečanaja nie adna sotnia knih. Na Sicylii jana jašče i vielmi «chatniaja».

Ab uzroście chleba ŭ hetaj samabytnaj vitrynie možna tolki zdahadvacca, ale śviežy chleb na Sicylii možna kupić u luboj piakarni štoranicy — jany pačynajuć pracu jašče da śvitańnia.

Ab uzroście chleba ŭ hetaj samabytnaj vitrynie možna tolki zdahadvacca, ale śviežy chleb na Sicylii možna kupić u luboj piakarni štoranicy — jany pačynajuć pracu jašče da śvitańnia.

U Italii isnuje sapraŭdny kult aliŭkavaha aleju, tamu zvykniciesia z dumkaj, što ŭsio budzie tanuć i sačycca im: ci to sałata, ci sandvič z kulinaryi. Viadoma, asnovu charčavańnia luboha italjanca składaje pasta, a picu i panini (italjanski buterbrod) možna nabyć absalutna paŭsiul.

Ale na Sicylii varta zrabić akcent na miascovyja bahaćci: sadavinu, harodninu, rybu i morapradukty.

Rynak u Palerma. 

Ryby i morapraduktaŭ sicylijcy jaduć šmat, dy jany i vielmi tannyja. Na rybnych rynkach (jakija sami pa sabie jość turystyčnaj cikavostkaj) pradajuć śviežavyłaŭlenuju rybu i pracujuć amal ad śvitanku. Ceny taksama ŭražvajuć. Kiło śviežaj ryby ci morapraduktaŭ kaštuje 5—10 jeŭra. Honar kožnaha pradaŭca — ryba-mieč, hałavu jakoj vykładajuć na lod pikaj uvierch. Kiłahram hetaj dziŭnaj ryby kaštuje 13 jeŭra.

U restaranach možna najeścisia prykładna na 10—15 jeŭra na čałavieka biez ałkaholu.

U centry luboha pryłaŭka z rybaj — hałava ryby-mieč. 

U centry luboha pryłaŭka z rybaj — hałava ryby-mieč. 

Ceny mohuć vahacca ŭ toj ci inšy bok u zaležnaści ad restarana i jaho papularnaści ŭ turystaŭ. Lepš usio ž charčavacca ŭ nievialikich restaranach dla miascovych: i smačna, i tanna. Varta kaštavać pastu z morapraduktami, supy z maluskami, rybnyja stejki. Asobna staić kuskus — paŭnočnaafrykanskaja strava, jakaja vielmi papularna i na Sicylii. U horadzie San Vita ła Kapa pravodzicca navat fiestyval kuskusu.

Statuja Iaana Pradciečy. U źniešnim azdableńni na Sicylii možna časta sustreć kaflu. 

Statuja Iaana Pradciečy. U źniešnim azdableńni na Sicylii možna časta sustreć kaflu. 

Nalahajcie na sadavinu! U paraŭnańni ź Biełaruśsiu jana kaštuje prosta ničoha. Naprykład, try kiłahramy apielsinaŭ na rynku abyducca ŭ dva jeŭra. Ale takich smačnych i śpiełych apielsinaŭ u Biełarusi naŭrad ci možna znajści. Śpiakotnym dniom cudoŭna padmacavacca sałataj. Nabory ź zielaniny, tamataŭ, aliŭkavaha aleju i vocatu pradajucca ŭ luboj kramie i kaštujuć kala 2—3 jeŭra. U restaranie sałata ŭdvaja daražejšaja.

Biezhałovaja statuja rymskaha impieratara ŭ parku Katanii. 

Biezhałovaja statuja rymskaha impieratara ŭ parku Katanii. 

Kali zachočacca pierakusić prosta na vulicy, luby sicylijec vam adrazu paraić arančyni. Heta tradycyjnaja miascovaja strava ŭjaŭlaje saboj davoli vialiki smažany šar z rysu, unutry jakoha znachodzicca rahu i syr macareła.

Što rabić?

Samaje hałoŭnaje pytańnie: što ž rabić na Sicylii? Tut kožny vyrašaje dla siabie, choć Sicylija zadavolić luby zapyt. Vyspa, abłožanaja Mižziemnym moram, maje sotni kiłamietraŭ cudoŭnych plažaŭ. Dla plažnaha adpačynku lepš vybrać nievialiki horad ci viosku na bierazie mora. U ich niama prablem ź vialikaj kolkaściu ludziej, dy i adpačyvajuć u takich miescach pieravažna italjancy ci jeŭrapiejcy. Hatelami i kropkami charčavańnia zvyčajna vałodajuć siemji, što pakinie nadzvyčaj pryjemnaje ŭražańnie ad servisu i jakaści pasłuh. U vialikich haradach taksama jość plažy, ale jany brudniejšyja i dabiracca na ich treba transpartam. 

Vulica siaredniaviečnaha horada Eryče, jaki znachodzicca na viaršyni 700-mietrovaj hary.

Vulica siaredniaviečnaha horada Eryče, jaki znachodzicca na viaršyni 700-mietrovaj hary.

Čas pad piakučym soncam, što ŭdzień visić pierpiendykularna ziamli, ciahniecca sapraŭdy pavolna i lanotna. Adnak pralažać uvieś adpačynak na bierazie mora — złačynstva.

Vułkan Etna. 

Vułkan Etna. 

Sicylija vartaja, kab padarožničać pa jej. Možna chadzić u hory ci zajmacca skałałažańniem, možna zamović prahułku na jachcie ci pasprabavać siabie ŭ vindsiorfinhu. Varta prosta prajechacca praz usiu vyspu, pahladzieć na vinahradniki i aliŭkavyja hai, na pali zbožža, što raskinulisia naŭprost na hornych schiłach.

Cikava budzie naviedać Eryče — niekranuty siaredniaviečny horad na hary vyšynioju 750 mietraŭ. Ad horada Trapani da jaho možna dabracca na funikulory ci aŭtobusie. Z Eryče adkryvajucca fantastyčnyja pa svajoj pryhažości panaramy.

Etna maje niekalki sotniaŭ krateraŭ. Na fota: krater Silviestry. 

Etna maje niekalki sotniaŭ krateraŭ. Na fota: krater Silviestry. 

Nielha pabyć na Sicylii i nie ŭzyści na Etnu, samy vysoki aktyŭny vułkan u Jeŭropie. Ceny na ekskursii pačynajucca ad 50 jeŭra. Ale ŭvachod na turystyčnyja ściežki biaspłatny, i kali vam niecikava słuchać pra historyju pra stadyi farmavańnia vułkana, možna ŭzyści na Etnu samastojna. Na žal, dabracca z Katanii da pačatku ściežak atrymajecca chiba što na ŭłasnym aŭtatransparcie. Pry hetym nie zabudźciesia ciopłyja rečy, kapialuš i krem dla zaharu. Na vyšyni 2000 mietraŭ prachładna, ale sonca vielmi niebiaśpiečanaje i moža lohka apiačy.

Demanstracyja suprać FIFA i Čempijanatu śvietu pa futbole, jakuju zładzili aktyvisty ŭ Katanii. 

Taksama na Sicylii varta źjeździć u Sirakuzy, radzimu Archimieda, ci naviedać dziŭny horad-krepaść Enu, jaki mieścicca na płoskaj hary i damy ŭ jakim litaralna źvisajuć z abryvaŭ.

Sicylijcy vypuskajuć bieźlič suvieniraŭ z Marłonam Brando ŭ vobrazie chrosnaha baćki italjanskaj mafii donam Vita Karleone. 

Sicylijcy vypuskajuć bieźlič suvieniraŭ z Marłonam Brando ŭ vobrazie chrosnaha baćki italjanskaj mafii donam Vita Karleone. 

Što b vy ni rabili na Sicylii, hałoŭnaje — spłanujcie heta zahadzia.

Pačytajcie forumy z paradami dla turystaŭ, pradumajcie svoj maršrut i aktyŭnaść. Bo, na žal, sicylijcy drenna vałodajuć anhlijskaju movaju i słaba nakiroŭvajuć infrastrukturu na zamiežnikaŭ. Tamu raźbiracca na miescy budzie ciažka — lepš niekalki lišnich hadzin pravieści ŭ kampanii anłajn-pierakładčyka, i tady niezabyŭny adpačynak vam harantavany.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?