Sudom Dubrovienskaha rajona ŭrač-nieŭrołah centralnaj rajonnaj balnicy pryznany vinavatym u atrymańni chabaraŭ i asudžany da troch hadoŭ pazbaŭleńnia voli ŭ papraŭčaj kałonii va ŭmovach uzmocnienaha režymu z kanfiskacyjaj majomaści i pazbaŭleńniem prava zajmać va ŭstanovach i arhanizacyjach achovy zdaroŭja pasady, źviazanyja z vykanańniem jurydyčna značnych dziejańniaŭ, terminam na try hady. Pryhavor nabyŭ moc. 

Jak paviedamlaje UUS Viciebskaha abłvykankama, supracoŭnikami pa baraćbie z ekanamičnymi złačynstvami ŭ pačatku 2013 hoda była atrymana apieratyŭnaja infarmacyja ab tym, što ŭrač-nieŭrołah Dubrovienskaj CRB biare hrašovyja srodki i inšyja materyjalnyja ŭznaharody ad hramadzian u suviazi sa stanoŭčym vyrašeńniem pytańniaŭ vydačy fiktyŭnych miedycynskich dakumientaŭ (daviedki ab prachodžańni miedycynskaj kamisii dla dopusku da kiravańnia miechaničnymi transpartnymi srodkami abo ab časovaj niepracazdolnaści). 

Padčas apieratyŭnych mierapryjemstvaŭ, skiravanych na pravierku hetaj infarmacyi, było vyjaŭlena 28 faktaŭ atrymańnia chabaraŭ ad 16 hramadzian na terytoryi Dubroŭna na ahulnuju sumu kala 3,5 młn. rubloŭ.

Pa ŭsich vyjaŭlenych epizodach złačynnaj dziejnaści ŭ dačynieńni da ŭrača byli raspačatyja spravy na padstavach častak 1 i 2 artykuła 430 KK (atrymańnie chabaru). Jon byŭ adchileny ad pasady i źmieščany pad vartu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?