U suviazi z apošnimi padziejami va Ukrainie ŭrad Hiermanii ŭpieršyniu zahavaryŭ pra «vajennuju interviencyju» z boku Rasii.

«My čakajem tłumačeńniaŭ ad Rasii adnosna paviedamleńniaŭ pra nieadnarazovyja parušeńni ŭkrainskich miežaŭ, jakija ŭ vyniku śviedčać ab vajennaj interviencyi», — zajaviŭ aficyjny pradstaŭnik niamieckaha ŭrada Štefan Zajbiert na pres-kanfierencyi ŭ Bierlinie, pieradaje Deutche Welle.

Jon dadaŭ, što ŭskosnyja śviedčańni «prysutnaści rasiejcaŭ i vykarystańnia rasiejskich uzbrajeńniaŭ» byli ŭžo i raniej, ciapier padstavy dla takich śćviardžeńniaŭ stali bolš važkimi. Takoje raźvićcio padziej źjaŭlajecca «vielmi surjoznym i ničym nie apraŭdanym», padkreśliŭ pradstaŭnik niamieckaha ŭrada.

Štefan Zajbiert paćvierdziŭ papiaredniuju zajavu kanclera Hiermanii Anhieły Mierkiel pra namier abmierkavać na ekstrannym samicie ES novyja sankcyi suprać Rasii. U toj ža čas mahčymaść pastavak uzbrajeńniaŭ Ukrainie śpikier adchiliŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?