Prezident Rasii Uładzimir Pucin zajaŭlaje, što RF nie maje namieru ŭciahvacca ŭ kanflikty, ale hatovaja adbić ahresiju.

Pra heta Pucin skazaŭ na forumie «Sielihier-2014».

«Rasija dalokaja ad taho, kab ŭciahvacca ŭ niejkija bujnamaštabnyja kanflikty. My hetaha nie chočam, nie źbirajemsia hetaha rabić. Naturalna, my zaŭsiody byli hatovyja adbić lubuju ahresiju ŭ dačynieńni da Rasii, zaŭsiody našy partniory, u jakim by stanie nie znachodzilisia ich dziaržavy, jakoj by źniešniepalityčnaj kancepcyi jany nie prytrymlivalisia, pavinny razumieć, što z nami lepš nie źviazvacca. Dumaju, što nikomu ŭ hałavu nie prychodzić siońnia raźviazvać bujnamaštabny kanflikt z Rasijaj», — skazaŭ Pucin.

Jon zajaviŭ, što Rasija maje namier umacoŭvać siły jadziernaha strymlivańnia. «My praciahvajem naroščvać hety patencyjał i budziem heta rabić — nie dla taho, kab kamu-niebudź pahražać, a dla taho, kab adčuvać siabie ŭ biaśpiecy, adčuvać siabie spakojna, mieć mahčymaść realizoŭvać tyja płany, jakija majem u halinie ekanomiki i sacyjalnaj śfiery», — dadaŭ Pucin.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?