Kamandzir dobraachvotnickaha bataljona «Danbas» Siamion Siamienčanka paviedamiŭ, što ŭ chodzie bajoŭ pad Iłavajskim «katłom» jaho bajcam udałosia ŭziać u pałon 12 čałaviek. 

«Ranicaj išli pieramovy z rasijskim bokam ab tym, kab skarystacca humanitarnym kalidoram, pra jaki zajaviŭ Uładzimir Pucin. Adnak hetaja zajava mieła na ŭvazie poŭnuju zdaču zbroi z našaha boku i zdaču ŭ pałon», — raspavioŭ Siamienčanka.

Pavodle jaho słoŭ, bajcy «Danbasa» nie pryniali hetuju prapanovu, paśla čaho było vyrašana prabivacca nasustrač ukrainskim vojskam. U chodzie boju, jak śćviardžaje Siamienčanka, im udałosia zachapić u pałon 12 čałaviek, jakija zmahalisia na baku sieparatystaŭ.

Siamienčanka, jaki zaraz znachodzicca na lačeńni ŭ Dnieprapiatroŭsku, nie maje infarmacyi, ci źjaŭlajucca zatrymanyja rasijskimi vajskoŭcami. «Mahu skazać, što pałonnyja žyvyja-zdarovyja, ich žyćciu ništo nie pahražaje», - rastłumačyŭ jon.

Pry hetym jon dadaŭ, što, pa jaho źviestkach, niedaloka ad miesca bajoŭ sapraŭdy dysłakavanyja dva pałki rasijskich PDV — u rajonie pasiołka Kuciejnikava i vioski Starabiešava.

Bai la Iłavajska praciahvajucca da hetaha času. «Byli sproby damovicca, prajści ŭ abmien na pałonnych», - śćviardžaje Siamienčanka.

Pradstaŭniki «DNR» zajavili, što pakul nie hatovyja kamientavać situacyju ŭ rajonie Iłavajska.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?