U Vaŭkavysku mužčyna abliŭ kipniem i ledź nie zarezaŭ hramadzianskuju žonku. Pra heta paviedamili ŭ pres-słužbie MUS.
Zdareńnie mieła miesca 16 vieraśnia. Paviedamlajecca, što mužčyna 1965 naradžeńnia va ŭłasnym domie ŭ svarcy abliŭ kipniem i nanios šmatlikija kołata-rezanyja rany cieła svajoj hramadzianskaj žoncy. Žančyna, taksama 1965 naradžeńnia, źmieščanaja ŭ balnicu.
U dačynieńni da padazravanaha ŭzbudžanaja kryminalnaja sprava pa art. 14 (zamach na złačynstva) i art. 139 (zabojstva) KK Respubliki Biełaruś. Mužčyna zatrymany.
Fihurant spravy raniej byŭ sudzimy za pryčynieńnie ciažkaha cialesnaha paškodžańnia. U hety raz hvałtoŭnyja dziejańni jon ździejśniŭ u stanie ałkaholnaha apjanieńnia.
0
0
0
0
0
0