Japonskaja kampanija Furukawa Battery stvaryła elektryčny akumulatar, jaki pracuje z vykarystańniem prostaj vady.
Ad akumulatara, jaki nazvali Mg Box, možna zaradžać smartfony i nadałońniki. Pavodle zajavy kampanii, navinka źjavicca ŭ prodažy ŭ siaredzinie śniežnia. Košt adnaho akumulatara składzie prykładna 10 tys. ijen ($93 pa biahučym kursie).
Dla paŭnavartasnaj pracy pryłady ŭ jaje dastatkova zalić dva litry vady, pryčym vada moža być jak presnaja, tak i marskaja. Akumulatar zdolny hienieravać elektraenierhiju na praciahu piaci dzion. Za hety pramiežak času možna budzie całkam zaradzić telefon kala 30 razoŭ.
U raspracoŭcy japonskich śpiecyjalistaŭ zadziejničana sistema, zasnavanaja na ŭzajemadziejańni mahniju, vady i kisłarodu, pry jakim vypracoŭvajecca elektraenierhija. U kampanii ŭpeŭnienyja, što ich raspracoŭka budzie najbolš karysnaja va ŭmovach stychijnaha biedstva.
