Pres-sakratar prezidenta Dźmitryj Piaskoŭ nazvaŭ «čarhovaj kačkaj» infarmacyju, jakaja źjaviłasia ŭ niamieckich ŚMI, ab razmovie prezidentaŭ Rasii i Ukrainy Uładzimira Pucina i Piatra Parašenki, u jakim rasijski lidar papiaredziŭ, što na praciahu dvuch dzion rasijskija vojski mohuć zaniać stalicy ŭschodniejeŭrapiejskich dziaržaŭ.
«Tolki što była historyja, incydent, jaki ŭžo vyčarpany. Bolš my nie ličym mahčymym źviartać uvahu na takija paviedamleńni», — zajaviŭ Piaskoŭ u efiry radyjostancyi «Echo Moskvy».
Raniej u čaćvier niamieckaja hazieta Suddeutschen Zeitung paviedamiła, što Parašenka pieradaŭ kiraŭniku Jeŭrakamisii Žaze Manuelu Barozu źmiest svajoj razmovy z prezidentam Rasii. Jak piša vydańnie, Pucin nibyta skazaŭ ukrainskamu lidaru, što rasijskija vojski pry nieabchodnaści mohuć na praciahu dvuch dzion zaniać stalicy ŭschodniejeŭrapiejskich krain: Ryhu, Vilniu, Talin, Varšavu i Bucharest.
Kali mienavita adbyłasia razmova Pucina i Parašenki, źmiest jakoj staŭ viadomy Suddeutschen Zeitung, u haziecie nie ŭdakładnili.