Jeŭraparłamient zaklikaŭ krainy ES razhledzieć mahčymaść vyklučeńnia Rasiei ź sistemy SWIFT. Adpaviednaja rezalucyja była ŭchvalena na plenarnym pasiadžeńni orhana, paviedamlaje RIA «Naviny».
Heta pastanova nie źjaŭlajecca abaviazkovaj da vykanańnia, finalnaje rašeńnie prymajuć dziaržavy ES i Jeŭrakamisija.
Uviadzieńnie abmiežavańniaŭ u dačynieńni da vykarystańnia Rasijaj sistemy SWIFT stała abmiarkoŭvacca ŭ ES u apošnija dni ŭ suviazi z nastupam bajevikoŭ «DNR» i «ŁNR» va Ukrainie, u pramoj padtrymcy jakoha abvinavačvajecca rasiejskaja armija.
SWIFT — supolnaść suśvietnych mižbankaŭskich telekamunikacyj, zabiaśpiečvaje pieradaču 1,8 miljarda paviedamleńniaŭ u hod, za dzień praź sietku prachodziać apłatnyja daručeńni bolš čym na 6 tryljonaŭ dołaraŭ, u joj udzielničajuć bolš za 10 tysiač finansavych arhanizacyj u 210 krainach. Pa statucie SWIFT, u kožnaj krainie supolnaści stvarajucca hrupa členaŭ i hrupa karystalnikaŭ.
Sistema SWIFT bazujecca ŭ Bruseli i rehulujecca zakonami Bielhii, z pryčyny čaho abaviazana prytrymlivacca rašeńniaŭ ES. U sakaviku 2012 hoda ES biesprecedentna uklučyŭ abmiežavańnie dostupu da SWIFT ŭ pakiet sankcyj suprać Irana, zabaraniŭšy pravajdaru finansavych telekamunikacyj absłuhoŭvać banki krainy.
Vyklučeńnie z hetaj sistemy adsiakaje finansavuju sistemu krainy ad suśvietnaj.
