U Astrachani nieviadomyja napali na zdymačnuju hrupu Rasijskaj słužby «Bi-Bi-Si», jakaja praviarała paviedamleńni ab hibieli rasijskich vajskoŭcaŭ na miažy z Ukrainaj dla svajho materyjału. Pra heta paviedamiŭ karespandent Styŭ Rozienbierh.
Pa słovach karespandenta, kali žurnalisty vyjšli z kafe i nakiravalisia da svajoj mašyny, na ich napali nie mienš za try ahresiŭna nastrojenyja mužčyny. U chodzie napadu nieviadomyja adabrali kamieru, raźbili abstalavańnie i źbili apieratara, paśla čaho ŭciakli ź miesca złačynstva.
Udzielniki zdymačnaj hrupy praviali ŭ palicyi čatyry hadziny. Rozienbierh adznačyŭ, što niechta prakraŭsia ŭ ich mašynu i vydaliŭ usie materyjały z kartaŭ pamiaci, pakul žurnalisty davali pakazańni.
Ciapier zdymačnaja hrupa ŭ poŭnym składzie viarnułasia ŭ Maskvu, žurnalisty znachodziacca ŭ biaśpiecy.
Toj samy materyjał: zabytaja śmierć rasijskaha sałdata
