U siecivie źjaviłasia inicyjatyva stvaryć interaktyŭnuju kartu Homiela ź miescami, prydatnymi dla seksu ŭ aŭtamabili.
Prapanova źjaviłasia na sajcie livegomel.com. Čytač sajta prapanuje markierami na karcie adznačać tyja miescy, dzie «možna spakojna pryparkavać aŭtamabil i miła pahutaryć». Inicyjatar kaža, što ŭ hetym niama ničoha drennaha i pachabnaha, a zaniatki seksam u aŭtamabili adnosić da «naturalnych patrebaŭ».
Ideja pryjšła ŭ hałavu maładomu čałavieku paśla taho, jak jon dźvie hadziny jeździŭ pa horadzie ŭ pošukach miesca, dzie zmoh by adasobicca i addacca žarści sa svajoj spadarožnicaj. Ź miescaŭ, užo prapanavanych dla karty, amatar seksu ŭ aŭtamabili nazvaŭ: Aeradrom, plaž pierad mostam u Čonki i voziera kala vioski Asaŭcy.
