Biełaruś padpiša Minamackuju kanviencyju ab irtuci, pryniatuju ŭ Kumamota 10 kastryčnika 2013 hoda. Adpaviedny ŭkaz Alaksandr Łukašenka padpisaŭ 18 vieraśnia.
Na padpisańnie kanviencyi ŭpaŭnavažany premjer-ministr Biełarusi Michaił Miaśnikovič.
* * *
Kanviencyja nosić imia japonskaha horada Minamata, dzie adbyłosia najbujniejšaje zabrudžvańnie navakolnaha asiarodździa rtućciu, u vyniku jakoha paciarpieli bolš jak 30 tysiač čałaviek.
U adpaviednaści z kanviencyjaj, krainy mohuć praciahvać vykarystoŭvać irtuć u miedycynskich vymiaralnych pryborach da 2030 hoda ŭ asablivych abstavinach. Adnak Suśvietnaja arhanizacyja achovy zdaroŭja i niaŭradavaja arhanizacyja «Achova zdaroŭja biez škody» ličać, što patencyjalnyja niehatyŭnyja nastupstvy rtuci dla zdaroŭja nastolki surjoznyja, što treba prykłaści ŭsie namahańni dla taho, kab namiečanaja ŭ kanviencyi asnoŭnaja meta była dasiahnuta ŭžo da 2020 hoda.