U Administracyi prezidenta Ukrainy nie paćviardžajuć infarmacyju, apublikavanuju ŭ niamieckim ŚMI, ab razmovie Piatra Parašenki i Žaze Manuela Barozu, u jakoj jon raspavioŭ pra pahrozy prezidenta Rasii ŭvieści vojski ŭ jeŭrapiejskija stalicy.

«My nie paćviardžajem infarmacyju, raspaŭsiudžanuju ŭ haziecie», — cytuje ahienctva «Interfaks» pradstaŭnika prezidenta Śviatasłaŭ Ciehołko.

Jon skazaŭ, što ŭkrainski bok «niehatyŭna stavicca da śpiekulacyjam, jakija staviać pad pahrozu namahańni ŭsich bakoŭ na šlachu ŭkaranieńnia mirnaha pracesu».

U Jeŭrakamisii admovilisia kamientavać hetuju publikacyju ŭ ŚMI i zajavili, što nie pravodziać dypłamatyi praź ŚMI.

U čaćvier niamieckaje vydańnie Süddeutsche Zeitung napisała pra razmovu prezidenta Piatra Parašenki z kiraŭnikom Jeŭrakamisii Žaze Manuelem Barozu, u jakoj jon nibyta raspavioŭ ab svaich pieramovach z rasijskim prezidentam.

Jak śćviardžaje vydańnie, Uładzimir Pucin u razmovie z ukrainskim prezidentam nibyta skazaŭ, što «kali b zachacieŭ, to rasijskija vojski praz dva dni mahli b być nie tolki ŭ Kijevie, ale i ŭ Ryzie, Vilni, Talinie, Varšavie abo Buchareście».

Jak piša vydańnie, prezident Parašenka taksama paviedamiŭ Barozu, što Pucin papiaredziŭ, što moža vykarystać svoj upłyŭ i zabłakavać niepažadanyja dla Rasii rašeńni Jeŭrapiejskaj Rady.

Taksama: Pres-sakratar Pucina nazvaŭ «kačkaj» infarmacyju pra «zavajovu Vilni, Varšavy, Bucharesta»

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?