18 vieraśnia Mahiloŭskim abłasnym sudom vyniesieny pryhavor pa kryminalnaj spravie pa abvinavačvańni dvuch niepaŭnaletnich žycharoŭ Babrujska 1998 hoda naradžeńnia va ŭčynieńni žorstkaha zabojstva dziciaci.

Pra heta paviedamili ŭ Viarchoŭnym sudzie.

3 sakavika 2014 hoda ŭ race Biarezina ŭ Babrujsku miascovym žycharom było znojdziena cieła dziciaci sa šmatlikimi cialesnymi paškodžańniami. Ustanoŭlena, što abvinavačvanyja ŭ stanie ałkaholnaha apjanieńnia vykazvali pahrozy zabojstvam u adras paciarpiełaha, učynili z karyślivych pabudžeńniaŭ jaho ŭtrymańnie ŭ jakaści załožnika, jakoje supravadžałasia prymianieńniem nasilla. Zatym na terytoryi haradskoha plaža pazbavili jaho žyćcia z asablivaj žorstkaściu.

Pryhavoram suda abvinavačvanyja pryznanyja vinavatymi ŭ naŭmysnym supraćpraŭnym pazbaŭleńni žyćcia inšaha čałavieka (zabojstvie), zaviedama małaletniaha, učynienym hrupaj asob, z asablivaj žorstkaściu, źviazanym z vymahańniem i zachopam załožnika; pahrozie prymianieńnia nasilla, niebiaśpiečnaha dla žyćcia i zdaroŭja paciarpiełaha, z metaj niepasrednaha zavałodańnia majomaściu (razboi), hrupaj asob; patrabavańni pieradačy majomaści pad pahrozaj prymianieńnia nasilla da paciarpiełaha i jaho svajakoŭ (vymahańnie), učynienaha paŭtorna, hrupaj asob pa papiaredniaj zmovie, z prymianieńniem nasilla, niebiaśpiečnaha dla žyćcia i zdaroŭja paciarpiełaha, pad pahrozaj zabojstva; patrabavańni pieradačy majomaści pad pahrozaj prymianieńnia nasilla da paciarpiełaha (vymahańnie), paŭtorna, hrupaj asob pa papiaredniaj zmovie, z prymianieńniem nasilla, niebiaśpiečnaha dla žyćcia i zdaroŭja paciarpiełaha, pad pahrozaj zabojstva; va ŭtrymańni asoby ŭ jakaści załožnika, spałučanym z pahrozaj jaho zabojstva, u metach prymusu fizičnaj asoby ŭčynić niejkaje dziejańnie jak umovu vyzvaleńnia załožnika (zachop załožnika), hrupaj asob pa papiaredniaj zmovie, u dačynieńni da zaviedama niepaŭnaletniaha, z karyślivych namieraŭ, učynienym paŭtorna, z prymianieńniem padčas utrymańnia asoby nasilla, niebiaśpiečnaha dla žyćcia i zdaroŭja paciarpiełaha.

Pryhavoram suda abvinavačvanym pryznačana pakarańnie: pa p.p. 2, 4, 6, 12 i 15 č.2 art.139 KK — u vyhladzie pazbaŭleńnia voli na termin 12 hadoŭ kožnamu; pa č. 2 art. 207 KK — u vyhladzie pazbaŭleńnia voli na termin da 6 hadoŭ kožnamu; pa č. 2 art. 208 KK — u vyhladzie pazbaŭleńnia voli na termin 4 hady kožnamu; pa č. 3 art. 208 KK — u vyhladzie pazbaŭleńnia voli na termin 8 hadoŭ kožnamu; pa p.p. 1, 2, 3, 4, 7 č. 2 art. 291 KK — u vyhladzie pazbaŭleńnia voli na termin 7 hadoŭ kožnamu.

U adpaviednaści z č. 1 art. 71 KK, pa paŭtornaści złačynstvaŭ, praduhledžanych č.č. 2 i 3 art. 208 KK, šlacham pahłynańnia mienš strohaha pakarańnia bolš strohim abvinavačvanym pryznačana pakarańnie ŭ vyhladzie pazbaŭleńnia svabody na termin 8 hadoŭ kožnamu.

U adpaviednaści z č. 3 art. 72 KK pa sukupnaści złačynstvaŭ šlacham častkovaha składańnia pryznačanych pakarańniaŭ abvinavačvanym pryznačana kančatkovaje pakarańnie ŭ vyhladzie pazbaŭleńnia voli na termin 13 hadoŭ kožnamu z adbyvańniem pakarańnia ŭ vychavaŭčaj kałonii.

Pryhavor zakonnuju siłu nie nabyŭ i moža być abskardžany va ŭstanoŭlenym zakonam paradku.

Клас
0
Панылы сорам
0
Ха-ха
0
Ого
0
Сумна
0
Абуральна
0