Mytnyja orhany Biełarusi raspačynajuć usie nieabchodnyja miery dla praduchileńnia tranzitu tavaraŭ, zabaronienych da ŭvozu ŭ Rasijskuju Fiederacyju ŭ suviazi z uviedzienymi joju sankcyjami. Pra heta zajaviŭ namieśnik staršyni DMK Siarhiej Połudzień. 

U pryvatnaści, pavodle jaho słoŭ, biełaruskija mytniki kantralujuć nie tolki źviestki ŭ dakumientach, ale i vybaračna faktyčnuju adpaviednaść hruzu zajaŭlenamu ŭ dakumientach, a ŭ niekatorych vypadkach užyvajuć mytnaje supravadžeńnie tavaraŭ. 

Pry hetym pastaŭki z-za miažy na ŭnutrany rynak Biełarusi miasnoj, rybnaj, małočnaj, płodaaharodninnaj pradukcyi ažyćciaŭlajucca bieź źmianieńniaŭ. 

U DMK taksama źviartajuć uvahu, što biełaruskija pierapracoŭščyki ažyćciaŭlajuć reekspart jeŭrapiejskaha charčavańnia ŭ Rasiju na zakonnych padstavach. U pryvatnaści, jak adznačyŭ Siarhiej Połudzień, pradukcyja ź Jeŭropy, jakaja trapiła pad rasijskija sankcyi, moža być pastaŭlenaja ŭ Biełaruś, pierapracavanaja tut i dalej pastaŭlenaja na rynak Rasii. «Heta zakonnyja mierapryjemstvy. Tut pytańni kantralujuć u tym liku našy vieterynarnyja, fitasanitarnyja słužby», — padkreśliŭ namieśnik kiraŭnika DMK. 

Jak paviedamlałasia raniej, pry administravańni tranzitnych patokaŭ u Rasiju biełaruskija mytniki vykonvajuć asobnyja zapyty rasijskich mytnych orhanaŭ, u tym liku ŭ dačynieńni da tavaraŭ, zabaronienych da ŭvozu ŭ Rasijskuju Fiederacyju. 

Pa ŭzhadnieńni ź Fiederalnaj mytnaj słužbaj prymajucca rašeńni ab formach mytnaha kantrolu, mahčymaści dalejšaha pieramiaščeńnia tavaraŭ u Rasijskuju Fiederacyju abo viartańnia na sumiežnuju terytoryju. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?