Nielehitymnyja ŭłady Kryma rasparadzilisia pravieści pravierku ŭ škołach na najaŭnaść ekstremisckaj litaratury.
Pra heta paviedamlaje «Hromadśkie radio».
U samaabvieščanym Minadukacyi Kryma paviedamili, što ŭ haradach i rajonach paŭvostrava miascovym upraŭleńniam adukacyi daručana pravieści reviziju na pradmiet zachoŭvańnia ekstremisckich materyjałaŭ i zabaronienaj litaratury.
U hety śpis uvajšło 2442 punkty, siarod jakich knihi, artykuły, ulotki i navat teksty niekatorych piesień.
Budučuju reviziju ŭ škołach praviaduć supracoŭniki pravaachoŭnych orhanaŭ sumiesna sa śpiecyjalistami z upraŭleńnia adukacyi.
U vypadku vyjaŭleńnia zabaronienaj litaratury, členy inśpiekcyi buduć adbirać i źniščać jaje.
List tak zvanaha Minadukacyi Kryma ab praviadzieńni revizii byŭ nakiravany da kiraŭnikoŭ orhanaŭ miascovaha samakiravańnia.
Jak viadoma, samaabvieščanyja ŭłady Kryma likvidavali krymskatatarskuju biblijateku ŭ Simfieropali.
