14 vieraśni sabaka ćvierhpinčar Džymka zachapiŭsia cichim palavańniem — jamu daviałosia padzialić zachapleńnie haspadaroŭ.
Dziakujučy svajoj naziralnaści, jon u zvykłym piejzažy — hołym poli z raskidanymi kamianiami, — zaŭvažyŭ zdalok niezvyčajny hryb łanhiermaniju (abo hałavač hihancki).
Hryb-pryhažun davoli bujny, kala 50-60 sm u dyjamietry. Pole, dzie jon vyras, znachodzicca ŭ miežach Minska.
U hetaha vidu hryboŭ majecca mnostva nazvaŭ, u tym liku kalvacyja hihanckaja ci ž prosta «porchaŭka vialikaja». Naležyć da siamiejstva šampińjonavych.
Vid zaniesieny ŭ Čyrvonuju knihu Respubliki Biełaruś. U krainie zafiksavana tolki niekalki miescach jaho rostu ŭ Viciebskaj i Minskaj vobłaści. Časam hryb u dyjamietry dasiahaje 50 sm. Jaho spory źjaŭlajucca najkaštoŭniejšym lekavym srodkam. Rečyvy, jakija ŭtrymlivajucca ŭ hrybie, majuć vysokaje procipuchlinnaje dziejańnie (preparat prajaŭlaje aktyŭnaść suprać 13 vidaŭ vyvučanych puchlin z 24).
Najbolš časta hryb hałavač raście ŭ adzinočku, ale, źjaviŭšysia ŭ adnym miescy, moža źniknuć zusim ci nie źjaŭlacca vielmi doŭha. Raście ŭ miašanych i listavych lasach, na łuhach, palach, vyhanach, u stepach. Jadomy ŭ maładym uzroście. Jaho ŭžo sprabujuć kultyvavać, i pieršyja sproby robiacca ŭ Rasii.
