U minskim «Prezident-hateli» u 19 hadzin 19 vieraśnia pačaŭsia čarhovy raŭnd pieramovaŭ kantaktnaj hrupy pa Ukrainie.
Pieršymi ŭ haścinicu prybytku ambasadar Rasiei Michaił Zurabaŭ i pradstaŭnik ABSIE Chajdzi Taljavini. Zurabaŭ zajaviŭ, što na pieramovy spatrebicca «para hadzin». Pavodle jaho słoŭ, moža być zrobleny «vielmi istotny krok napierad». «Płanujecca pryniać važnyja rašeńni, jakija zrobiać papiarednija damoŭlenaści bolš stabilnymi», - skazaŭ dypłamat.
Nastupnym pryjechaŭ druhi prezident Ukrainy Leanid Kučma. Jon taksama zajaviŭ, što raźličvaje na prasoŭvańnie napierad, i vykazaŭ nadzieju, što ABSIE pačnie kantralavać ukrainska-rasijskuju miažu i terytoryi, dzie ŭviedzieny Kijevam asablivy paradak miascovaha samakiravańnia. Pavodle infarmacyi Kučmy, na pieramovach budzie razhledžany miemarandum da pratakoła ad 5 vieraśnia. Pieršy punkt dakumienta - spynieńnie ahniu.
Apošnimi prybyli lidary samaabvieščanych Danieckaj i Łuhanskaj «narodnych respublik» Alaksandr Zacharčanka, Andrej Purhin, Ihar Płatnicki i Alaksiej Karakin. Kamientaroŭ presie jany nie davali.
