Niećviarozy kiroŭca-biaspraŭnik siońnia kala 17.00 źbiŭ ludziej na prypynku hramadskaha transpartu ŭ minskim mikrarajonie Malinaŭka, paviedamiła kiraŭnik pres-słužby DAI Minska Taćciana Charlinskaja.
«Małady čałaviek vyjechaŭ z dvara svajho doma pa vulicy Jasienina, 35, nie spraviŭsia z kiravańniem, vyjechaŭ na pałasu sustrečnaha ruchu i ŭrezaŭsia ŭ prypynak hramadskaha transpartu, dzie ŭ hety momant znachodzilisia ludzi», - raspaviała Taćciana Charlinskaja.
U vyniku žančyna, jakoj na vyhlad 50-55 hadoŭ, pamierła na miescy ad atrymanych traŭmaŭ. Mužčyna (na vyhlad 55 hadoŭ) špitalizavany.
Vyśvietlena, što 22-hadovy kiroŭca ŭ 2011 hodzie byŭ pazbaŭleny paśviedčańnia kiroŭcy za kiravańnie transpartnym srodkam u niećviarozym stanie, u červieni 2014 jon znoŭ byŭ pazbaŭleny pravoŭ pa toj ža pryčynie. Miarkujučy pa źniešnich prykmietach, jość usie padstavy mierkavać, što ŭ hety raz jon taksama znachodzicca ŭ stanie mocnaha ałkaholnaha apjanieńnia.
