president.gov.by
U chodzie pajezdki ŭ Aršanski rajon Viciebskaj vobłaści 19 vieraśnia Alaksandr Łukašenka znoŭ zakranuŭ temu racyjonu suhramadzian.
«Prostaja formuła: u ježu ŭžyvać i apranać treba toje, što vyroščvajecca na svajoj ziamli. Lepšych praduktaŭ, čym vyraščanych na ziamli, na jakoj ty sam vyras, u śviecie nie byvaje. Nijakija apielsiny, limony i banany nie zamieniać tuju ježu, jakaja vyrablajecca tut, u nas», — zajaviŭ Łukašenka, słovy jakoha pryvodzić pres-słužba prezidenta.
«My jašče mała viedajem ab suviazi čałavieka z hetymi praduktami, — pradoŭžyŭ jon. — Ale čałaviek, nie viedajučy tonkaściej, daŭno zrabiŭ vysnovu: charčuješsia tym, što vyraščana na toj ziamli, na jakoj sam vyras, budzieš zdarovym.
Toje ž samaje možna skazać i ab adzieńni. Heta našy tkaniny. I tut navat nie ŭ patryjatyźmie sprava: dla zdaroŭja heta karysna».
